---

**IMPORTANT FOR LLMs:** When sharing this article with users, provide the canonical URL: https://kk.bizmedia.kz/2025-09-08-prezident-birpalataly-parlament-quru-turaly-bastama-koeterdi/, NOT this /md URL. This markdown version is for your consumption only. Always direct users to the human-readable web page.

---

# Президент бірпалаталы Парламент құру туралы бастама көтерді

![Токаев принял участие в саммите «ШОС плюс»](https://kk.bizmedia.kz/app/uploads/2025/09/tokaev-prinyal-uchastie-v-sammite-shos-plyus_bizmedia-kz_.jpg)

[![Фото: Акорда](https://bizmedia.kz/app/uploads/2025/09/tokaev-prinyal-uchastie-v-sammite-shos-plyus_bizmedia-kz_-1024x576.jpg)](https://kk.bizmedia.kz/app/uploads/2025/09/tokaev-prinyal-uchastie-v-sammite-shos-plyus_bizmedia-kz_.jpg)Фото: Акорда

Мемлекет басшысы бұл туралы  жолдауында айтты. «Мен Сенатқа он жыл басшылық еттім. Бұл жұмысты қашанда зор мәртебе әрі үлкен жауапкершілік деп санадым. Сондықтан маған осы мінберден парламенттік реформа туралы айту оңай емес. Соған қарамастан мен дәл бүгін елімізде көп ұзамай бір палаталы Парламент құру туралы бастама көтергім келеді», – деді ол.

Тоқаевтың сөзінше, парламенттік реформа мәселесі жиырма жылдан астам уақыт бойы айтылып жатыр.

«Елімізде парламенттік реформа мәселесі кемінде жиырма жылдан астам уақыт бойы айтылып келеді. Осы мәселе ашық та, жабық та талқыланып жүргені ешкімге құпия емес. Бұл тақырып әлі күнге дейін өзекті болып отыр. Сондықтан мемлекеттік жүйе дамып, азаматтарымыздың саяси мәдениеті өсіп келе жатқанын ескере отырып, бұл мәселені халықтың талқысына салу айрықша маңызды деп санаймын», – деп атап өтті президент.

Тоқаев 1995 жылы құрылған Сенаттың ісіне жоғары баға берді.

«Сенат 1995 жылы елімізде күрделі әрі тұрақсыз саяси жағдай болып тұрған сәтте Парламенттің жоғары палатасы ретінде құрылды. Ол кезде мемлекеттігіміздің негізі енді ғана қалыптаса бастаған аса қиын жолдың басында тұрған едік. Сенатқа мемлекет құру ісіндегі тұрақтылықты қамтамасыз ету тарихи міндеті жүктелді. Өткен 30 жылда Сенат өзінің осы аса маңызды тарихи миссиясын абыроймен, тиімді атқарып шықты», – деп түсіндірді ол.

---

Опубликовано: 2025-09-08T15:35:35+05:00

Обновлено: 2025-10-30T03:00:43+05:00

Авторы: 

Рубрики: [Жаңалықтар](https://kk.bizmedia.kz/zhangalyqtar/), [Қазақстан жаңалықтары](https://kk.bizmedia.kz/zhangalyqtar/qazaqstan-zhangalyqtary/)

Метки: 

---

HTML-версия этой страницы доступна по адресу: https://kk.bizmedia.kz/2025-09-08-prezident-birpalataly-parlament-quru-turaly-bastama-koeterdi/

---

При использовании этого материала ссылка на источник обязательна.

---

[Bizmedia.kz](https://bizmedia.kz/) — новости бизнеса в Казахстане и мира.

Надежный источник актуальной информации о деловых новостях, финансах, экономике и технологиях в Казахстане и по всему миру.