Тауарын бөліп төлеуге беретін кәсіпкерлер екі бағаны көрсетуге міндеттейтін бұйрыққа. Ұлттық экономика министрі Серік Жұманғарин осы аптада қол қойды.
«Сатушы (оның ішінде интернет-дүкен) сатып алу-сату шартын жасасар алдында тұтынушыға тауарды өз қаражаты есебінен бөліп төлеу арқылы өткізу және бір реттік төлем арқылы өткізу кезінде оның бағасын бөлек көрсете отырып, тауар (жұмыс, көрсетілетін қызмет), оның құны, төлем рәсімі, жеткізу шарттары мен құны, кепілдік мерзімі (ол болған кезде) туралы ақпарат береді», – деп жазылған құжат жобасында.
Яғни сатушы тауардың өз бағасын және бөліп төлеуге берілетін бағаны қатар көрсетуі заң жүзінде бекітілді.
Қазақстанда қолма-қол және бөліп төлеу үшін тауарлар мен қызметтерге әр түрлі баға белгілерін енгізу жоспарланып жатқан ҚНДРА басшысы Мәдина Әбілқасымова да айтқан болатын. Оның айтуынша, қос бағалар тұтынушыларды қорғауға және ақпараттандыруға көмектеседі. Баға белгілеудегі өзгерістер туралы мәселені жыл соңына дейін шешу жоспарланған.
Бірінші кредиттік бюро тауарды бөліп-бөліп сатып алу кредиттеудің кез келген басқа түрінен еш айырмашылығы жоқ екенін растады. Бөліп-бөліп төлеу кредиттік тарихта көрініс табады, ал жіберілген кешіктірулер кредиттік тарихқа теріс әсер етеді.
Бөліп төлеу бойынша төлемдер әлеуетті қарыз алушының борыштық жүктеме коэффициентін есептеу кезінде міндетті түрде ескеріледі. Бұл көрсеткішті қалай есептеу керектігін қаржы реттеушісі түсіндірді. ҚР заңнамасына сәйкес, ең жоғары несие жүктемесі ресми кірістің 50% болып табылады.
«Кредиттік рейтингке түрлі факторлар әсер етуі мүмкін. Бірақ оны тек төлемдер бойынша кешіктірулер ғана айтарлықтай төмендете алады. Сондай-ақ жоғары кредиттік белсенділік әсер етуі мүмкін (кредиттерге жүгіну жиілігі, міндеттемелердің көп санының бір мезетте болуы және т.б.)», — деп хабарлады Бірінші кредиттік бюро.
Олар атап өткендей, мерзімін ұзарту бойынша статистика бөліп төлеу санатында жоқ, бірақ ҚР ҰБ-ның жалпы статистикасы бар.
