Салық кодексі бойынша шетелдік қаржыландыруды алатын блогерлер салық органдарына хабарлауға және қаражаттың жұмсалуы туралы есеп беруге міндетті. Мұндай тұлғалар туралы ақпарат салық органдары қалыптастыратын арнайы базаға енгізіледі.
«Бақылау салықтық тексеру және камералдық бақылау нысанында жүзеге асырылады», — делінген құжатта.
Мемлекеттік кірістер комитеті тұрақты негізде жеке тұлғаларға, оның ішінде инфлюенсерлерге салық міндеттемелерін толық орындау — тіркеу, кірістерді көрсету және салықтарды төлеу тұрғысынан мониторинг жүргізеді.
Салықтық бақылаудан басқа, үкімет онлайн-жарнама туралы заңнаманың сақталуын да қадағалайды. «Онлайн-платформалар және онлайн-жарнама туралы» Заң шеңберінде жарнама материалдарын міндетті таңбалау талабы қолданылады.
«Таңбалау кез келген онлайн-жарнамаға, қаржыландыру көзіне қарамастан, таратылады — резиденттер ме, резидент еместер ме», — делінген үкіметтің жауабында.
Нақты деректерін анықтаудың толыққанды тетігі әзірге жоқ
Бұл ретте үкіметте таңбаланбаған жарнаманы және онлайн-платформаларды пайдаланушылардың нақты деректерін анықтаудың толыққанды тетігі әзірге жоқ екенін мойындады. Осыған байланысты Мәдениет және ақпарат министрлігі онлайн-платформалар мен масс-медианы реттеу бойынша Жол картасының жобасын қоса алғанда, заңнамаға өзгерістер әзірлеуде.
«Қазіргі уақытта блогерлер мен ақпараттық ресурстардың иелері үшін қосымша міндеттемелер белгілеудің қажеттілігі жоқ деп есептейміз, себебі қолданыстағы заңнамада салықтық бақылау мен есептілік тетіктері қарастырылған», — делінген үкіметтің жауабында. Осылайша, билік шетелдік қаржыландыруды бақылау үшін қолданыстағы тетіктер жеткілікті деп есептейді және блогерлерге жаңа талаптар енгізу жоспарланбаған
