Әзірге басымдық алғашқысында.
Үкіметтің экономикалық блогы, мұны тарқатудың тиімді тәсірі ретінде бюджет шығындарын қысқарту мемлекеттік шығындардың тиімділігі арттыру қажет дегенді жиі айтады.
ҚР ұлттық экономика вице-министрі Азамат Әміриннің Ulysmedia сауалына берген ресми жауабында айтқандай, Министрлер кабинетінде төрт бағыт бойынша жұмыс жүргізетін тұтас бір жедел топ құрылды:
- мемлекеттік аппаратты дебюрократизациялау,
- экономиканы ырықтандыру, мемлекеттік басқаруды цифрландыру, мемлекеттік шығыстарды оңтайландыру және тиімділігін арттыру.
- Бюджетті оңтайландыру жөніндегі жұмыстың басты мақсаты даму бюджетін ұлғайту есебінен экономикалық өсімді ынталандыру және мемлекеттік шығыстарды тұрақты және ұзақ мерзімді экономикалық тиімділік әкелетін жобаларға бағыттау. болып табылады.
- Сондай-ақ шығыстарды желілік қысқартудан арылу, бюджеттік процесте қолданылатын салалық нормативтік-құқықтық актілерді жетілдірудің проблемалары мен мүмкіндіктерін анықтау міндеті қойылып отыр.
Рас, бұл жедел топқа кімнің кіргені Ұлттық экономика министрлігіне неге екені белгісіз айтылмаған.
Азамат Әмриннің айтуынша, жедел топ қазір қолданыстағы субсидиялар мен шығындарды олардың тиімділігі тұрғысынан өтеу тетіктерін талдаумен айналысады.
Экономист Мұрат Темірхановтың айтуынша, квазимемлекеттік даму институттары арқылы экономиканы дамыту мүмкін емес. Тіпті Ұлттық банктің өзі 2025 жылғы қыркүйекте екі мәнді инфляцияның негізгі факторы жанама түрде мемлекеттік ақшаның себеп болғанын ашып айтқан. «Экономикада кейінге қалдырылған инфляция деген ұғым бар. Ресми инфляция 13% болғанда мөлшерлемені 18% -ға дейін көтеру бұл қате шешім. Бұл теңге бағамының күрт нығаюына алып келді және мөлшерлеменің тез төмендеуі кезінде теңгенің тез әлсіреуі болады. Сондықтан мөлшерлемені біртіндеп төмендетуге тура келеді. Ал егер мөлшерлемені төмендетпесек, теңгенің одан әрі нығаюы экономикаға екінші соққы береді» дейді сарапшы.
Оның айтуынша 18% мөлшерлеме арқылы алғашқы соққы жасалды. Мұндай жағдайда несие пайызын 23-25%-дан төмендету мүмкін емес. . Мұндай жағдайларда тек 2-3 жылда ғана өзін ақтайтын жобалар, негізінен сауда және ставкалары мемлекет есебінен субсидиялануға мәжбүр болатын жобалар ғана қалатын болады (бұл экономика бойынша үшінші соққы — бюджет арқылы).
Тәуелсіз сарапшы Мақсат Халықтың айтуынша, субсидиялар мен шығындарды олардың тиімділігі тұрғысынан өтеу тетіктерін талдаумен айналысып жатқан мистер х -тердің кім екенін халық білуі керек. Егер олардың құрамында тәуелсіз сарапшылар немесе аймақтардың жағдайын, мүмкіндігін жақсы білетін аудан, әкімдері болмаса олардың жұмысының нәтижесі құмға сіңіп кеткен су тәрізді кеуіп кетеді.
Сарапшылар осыған дейін де мемлекеттің экономика алдындағы өктемдігі осындай алдын-ала жобалау жұмыстарынан басталатынын жиі айтатын. Астанадағы жылы кабинетінін шықпайтын шенділер Алматы мен Астанадан мың шақырым қашықтықта орналасқан аудандардың жағдайын басшыларының есебінен ғана білетіні жасырын емес. «субсидиялар мен шығындардың тиімділігін сол аймақтың кәсіпкерлері жақсы біледі», дейді саясаттанушы-сарапшы.
