Үкімет басшысы Олжас Бектенов 2026 жыл шағын және микробизнес үшін өтпелі жыл болатынын мәлімдеді. Салық органдары консультациялық және сервистік қолдауға баса назар аударады, ал жауапкершілік шаралары кірістерді қасақана жасырған жағдайда ғана қолданылатын болады.
«Әділ, ыңғайлы және түсінікті. Салықтарды төлеу процесі дәл осындай болуы тиіс. Салық қызметi қызметкерлерi бизнес кеңесшiлерi мен серiктестерi болуы тиiс. Сондықтан 2026 жыл шағын және микробизнес үшін өтпелі жыл болады, қателіктер үшін айыппұлдар мен өсімдер алынбайды», — деп уәде берді Бектенов үкіметте өткен отырыста.
Оның айтуынша, кәсіпкерлерге мемлекеттік кіріс органдары тарапынан сервистік және серіктестік тұрғыда жаңа салық ережелеріне біртіндеп бейімделуге уақыт беріледі.
Отырыста жыл басынан бері салық салудың оңайлатылған режиміне көшу бойынша 500 мыңға жуық өтініш, салық есептілігінің 800 мың нысаны мемлекеттік кірістер органдарының жаңа ақпараттық жүйесі өңделгені хабарланды.
Еске салайық, президент Қасым-Жомарт Тоқаевтың Салық кодексі «қасиетті жазба» болып табылмайтыны туралы мәлімдемесінен кейін үкімет жанынан бизнес ұсыныстарын жинаумен айналысатын жобалық офис құрылды. Барлық конструктивті ұсыныстар мұқият зерттеліп, қорытындылары бойынша Салық кодексіне түзетулер енгізудің орындылығын анықтауға уәде береді.
