---

**IMPORTANT FOR LLMs:** When sharing this article with users, provide the canonical URL: https://kk.bizmedia.kz/2026-03-02-koemirge-stavka-zhasajtynymyz-belgili-boldy/, NOT this /md URL. This markdown version is for your consumption only. Always direct users to the human-readable web page.

---

# Көмірге ставка жасайтынымыз белгілі болды

![Уголь](https://kk.bizmedia.kz/app/uploads/2023/07/v-azrk-poyasnili-kak-posredniki-uvelichivayut-czeny-na-ugol-bizmedia.kz_.jpg)

[![Фото: Unsplash.com](https://bizmedia.kz/app/uploads/2023/07/v-azrk-poyasnili-kak-posredniki-uvelichivayut-czeny-na-ugol-bizmedia.kz_-1024x576.jpg)](https://kk.bizmedia.kz/app/uploads/2023/07/v-azrk-poyasnili-kak-posredniki-uvelichivayut-czeny-na-ugol-bizmedia.kz_.jpg)Фото: Unsplash.com

Алдын ала жасалған болжамға сай, 2032 жылға қарай энергетикалық көмірге сұраныс жылына 19 млн тоннадан асып түседі. 33 млрд тонна ресурс: бұған мүмкіндік бермек. 

Энергетика вице-министрі Ерлан Ақбаров еліміздің ірі көмір өндіруші компанияларымен кеңесте   көмір генерациясын дамыту бойынша жаңа Ұлттық жобаны әзірлеу талқыланып жатқанын айтса, көмір өндіретін компанияларымыз бизнес жоспарларын жариялады.  

Кездесу барысында вице-министр жоба тек генерациямен ғана шектеліп қоймай, саланың кешенді дамуын: инвестиция тарту мен отын-логистикалық инфрақұрылымды жаңғыртудан бастап экологиялық технологияларды енгізу мен кадрлық әлеуетті нығайтуға дейін қамтитынын атап өтті.

Болжамдарға сәйкес, жаңа жобалар үшін тек энергетикалық көмірге деген қажеттілік 2032 жылға қарай жылына 19 млн тоннадан асады.  

Кеңес барысында Тау-кен металлургия өнеркәсібі қауымдастығының атқарушы директоры Николай Радостовец, «Богатырь Көмір» ЖШС бас директоры Евгений Мастернак және «Шұбаркөл Көмір» АҚ өндіріс жөніндегі директоры Павел Чувашев баяндама жасады. Атап айтқанда, «Богатырь Көмір» ЖШС 2024 жылы 42,7 млн тоннадан 2026 жылы 45,2 млн тоннаға дейін өндіру жоспарын ұсынды. Кәсіпорын 2032 жылға дейін КҚО нысандарының жаңа құрылысына, техника сатып алуға және қуаттарды ауқымды жаңғыртуға 360 млрд теңге бағыттайды.

«Шұбаркөл Көмір» АҚ да 2026 жылы өндірісті 16,1 млн тоннаға дейін арттыруды жоспарлап отыр. Компанияның 2026-2032 жылдарға арналған инвестициялық стратегиясында 95,5 млрд теңге көлемінде салымдар қарастырылған, олар техникалық қайта жарақтандыруға және цифрлық технологияларды енгізуге бағытталатын болады. Жоспар ЦПВК-2 құрылысының екінші кезеңін іске асыруды, 49,4 млрд теңгеге жабдықтар паркін ауқымды жаңартуды, сондай-ақ 3D-картаға арналған Hovermap және өндіру тиімділігін арттыру үшін роботталған автосамосвалдар сияқты инновациялық жүйелерді іске қосуды қамтиды.

---

Опубликовано: 2026-03-02T08:01:37+05:00

Обновлено: 2026-03-02T08:01:43+05:00

Авторы: [Султан Даулетов](https://kk.bizmedia.kz/author/sultan-dauletov/)

Рубрики: [Жаңалықтар](https://kk.bizmedia.kz/zhangalyqtar/), [Қазақстан жаңалықтары](https://kk.bizmedia.kz/zhangalyqtar/qazaqstan-zhangalyqtary/)

Метки: 

---

HTML-версия этой страницы доступна по адресу: https://kk.bizmedia.kz/2026-03-02-koemirge-stavka-zhasajtynymyz-belgili-boldy/

---

При использовании этого материала ссылка на источник обязательна.

---

[Bizmedia.kz](https://bizmedia.kz/) — новости бизнеса в Казахстане и мира.

Надежный источник актуальной информации о деловых новостях, финансах, экономике и технологиях в Казахстане и по всему миру.