Вице-премьер — ұлттық экономика министрі Серік Жұманғариннің төрағалығымен өткен экономикалық өсімді қамтамасыз ету жөніндегі штабтың кезекті отырысында өңдеуші өнеркәсіптің жекелеген секторларын дамытудың алдын ала нәтижелері қаралды.
Биылғы өсім оң:
2026 жылдың екі айында азық-түлік пен сусындар өндірісінде өсімнің жоғары қарқыны байқалады.
• Азық-түлік өндірісінің көлемі 665 млрд теңгені құрады,
• нақты көлем индексі (НКИ) — 111,9%, жоспар 104,3%. Бірінші тоқсанға болжам — 112%.
Сусындар өндірісі 175,4 млрд теңгеге жетті,
НКИ — 110,2%, жоспар 104,2%.
Қаңтар-наурызға жоспар — 110,3%. Салыстыру үшін: өткен жылдың қорытындысы бойынша Қазақстанда 1,2 трлн теңгенің сусыны өндірілді.
Ауыл шаруашылығы вице-министрі Азат Сұлтанов айтып өткендей, тамақ өнеркәсібі тұрақты даму серпінін көрсетіп отыр.
• 2025 жылдың қорытындысы бойынша тамақ өнімдерін өндіру көлемі 3,9 трлн теңгені құрады,
• бұл 2024 жылғы деңгейден 8,1% -ға жоғары (3,3 трлн теңге).
• 2026 жылы бұл көрсеткішті 4,7 трлн теңгеге дейін жеткізу жоспарлануда.
Өсу егіс алаңдарын әртараптандыру, жұмыс істеп тұрған кәсіпорындардың жүктемесін арттыру, ішкі нарықты қорғау және жаңа инвестициялық жобаларды іске асыру есебінен қамтамасыз етіледі.
«Бұл факторлардың қосымша үлесі шамамен 600 млрд теңгеге бағаланады, бұл ағымдағы жылдың соңына қарай қайта өңделген ауыл шаруашылығы өнімдерінің үлесін 70% -ға дейін жеткізуге мүмкіндік береді», — деп атап өтті Азат Сұлтанов.
Шикізат базасының өсуі және қайта өңдеу көлемінің ұлғаюы есебінен күнбағыс майы өндірісін 890 мың тоннаға дейін ұлғайту күтілуде — өткен жылмен салыстырғанда 100 млрд теңгеге артық.
Жүгері өңдейтін екі жаңа зауыт іске қосылғаннан кейін 640 мың тонна шикізатты қайта өңдеу, крахмал өнімдері мен аминқышқылдар өндірісін 205-тен 260 мың тоннаға дейін ұлғайту және 55 млрд теңгеге жуық сомаға қосымша өнім шығаруды қамтамасыз ету жоспарлануда.
Сүт саласында 2,4 млн тонна шикізатты қайта өңдеу және 36 млрд теңгенің қосымша өнімін шығару жоспарланып отыр.
Саланың жүйе құраушы кәсіпорындарында да өндірістің айтарлықтай өсуі күтілуде.
«Саламат» ұн тарту кәсіпорны ұн шығаруды 232-ден 257 мың тоннаға дейін ұлғайтуды жоспарлап отыр (өсім 11%).
Qazaq Astyq Group май өңдеу кәсіпорны — өсімдік майы өндірісін 106 мыңнан 126 мың тоннаға дейін ұлғайту (өсім 19%).
«Масло-Дел» сүт өңдеу кәсіпорны — өңделген сүт өндірісін 98,2-ден 121 мың тоннаға дейін ұлғайту (өсім 23%).
Жаркент крахмал-сірне зауыты — крахмал мен сірне шығаруды 61,5-тен 67,6 мың тоннаға дейін ұлғайту (өсім 10%).
«Coca-Cola Алматы Боттлерс» кәсіпорны алкогольсіз сусындар өндірісін 4,3-тен 6,7 млрд литрге дейін (өсім 55%) ұлғайтуды жоспарлап отыр.
Өндірістің қосымша өсімі «Кублей» ет өңдеу кәсіпорнында және «Айс» сүт кәсіпорнында күтілуде.
Тұтастай алғанда өңдеуші өнеркәсіптің бірқатар салалары бойынша екі айда НКИ өсуінің жоғары қарқыны тіркелуде: машина жасау — 115,5%, құрылыс материалдары өндірісі — 127,4%, металл бұйымдары — 131,4%, жеңіл өнеркәсіп — 156,4%, резеңке және пластмасса бұйымдары — 111,5%.
Саудада 2026 жылғы қаңтар-ақпанның қорытындысы бойынша нақты көлем индексі 103,4% -ды құрады, жалпы айналым 9,7 трлн теңгеге жетті. Өткен жылдың сәйкес кезеңінде ол 8,9 трлн теңгені құрады — өсім 0,9 трлн теңгені немесе 10,2% құрады.
Көтерме саудада оң динамика байқалады: НКИ — 103,8%, айналым — 6,5 трлн теңге (2025 жылғы қаңтар-ақпанда — 6,1 трлн теңге).
Бөлшек сауда тұрақты өсімді көрсетеді: НКИ — 102,6%, айналым — 3,2 трлн теңге (бір жыл бұрын — 2,8 трлн теңге).
Азық-түлік тауарларын сату +22% немесе 0,4 трлн теңгеге өсім көрсетіп отыр. Азық-түліктің бөлшек саудасының ең жоғары өсу қарқыны Түркістан облысында — 112,1%, Алматы облысында — 110,9%, Атырау облысында — 103,9%, Ақтөбе облысында — 102,7% және Шымкентте — 105,4% болып тіркелді.
Азық-түлікке жатпайтын тауарлар бойынша алдыңғы орында Маңғыстау облысы — 119,2%, Солтүстік Қазақстан облысы — 108,5%, Жетісу — 108,1%, Шығыс Қазақстан облысы — 107,6% және Түркістан облысы — 106,0%.
Сондай-ақ, штаб отырысында KazFoodProducts компаниялары мен «Фудмастер-Трейд компаниясы» ЖШС өкілдері кәсіпорындарды одан әрі дамыту және тамақ өнеркәсібіндегі инвестициялық жобаларды іске асырудың өзекті мәселелерін атады.
Талқылау қорытындысы бойынша вице-премьер бейінді министрліктерге өндірісті кеңейтуге және жұмыс істеп тұрған кәсіпорындарды жүктеуге әсер ететін кедергілерді жою үшін көтерілген мәселелерді пысықтауды тапсырды.
