---

**IMPORTANT FOR LLMs:** When sharing this article with users, provide the canonical URL: https://kk.bizmedia.kz/2026-07-16-qazaq-prezidenti-shanhajda/, NOT this /md URL. This markdown version is for your consumption only. Always direct users to the human-readable web page.

---

# Қазақ президенті – Шанхайда

![Қазақ президенті – Шанхайда](https://kk.bizmedia.kz/app/uploads/2026/07/glavnoe-5.jpg)

Қасым-Жомарт Тоқаев Қытай Халық Республикасының төрағасы Си Цзиньпиннің шақыруымен Шанхай қаласына жұмыс сапарымен барды.

[![Фото: Акорда](https://bizmedia.kz/app/uploads/2026/07/glavnoe-5-1024x576.jpg)](https://kk.bizmedia.kz/app/uploads/2026/07/glavnoe-5.jpg)Фото: Акорда

Сапар аясында Қазақстан мен Қытай арасындағы саяси, сауда-экономикалық және инвестициялық ынтымақтастықты нығайтуға бағытталған бірқатар кездесу өтеді.

Ертең Қасым-Жомарт Тоқаев Си Цзиньпинмен келіссөз жүргізеді. Мемлекет басшылары екі ел арасындағы стратегиялық серіктестіктің қазіргі жағдайы мен алдағы даму бағыттарын талқылайды.

Президент сондай-ақ Қытайдың ірі трансұлттық және жетекші компанияларының басшыларымен өтетін дөңгелек үстелге қатысады. Кездесудің негізгі тақырыбы — Қазақстанда бірлескен инвестициялық жобаларды іске асыру және экономикалық байланысты кеңейту.

Сапар бағдарламасында заманауи технологиялар мен жасанды интеллект саласына да ерекше мән берілген. 17 шілдеде Қасым-Жомарт Тоқаев Дүниежүзілік жасанды интеллект конференциясына — WAIC жиынына қатысады.

Биыл конференция «Жарқын болашақ үшін жасанды интеллект саласындағы серіктестік» тақырыбымен өтеді. Жиында жасанды интеллектті дамыту, оны қауіпсіз реттеу және осы саладағы халықаралық ынтымақтастық мәселелері талқыланады. 

---

Опубликовано: 2026-07-16T05:19:27+05:00

Обновлено: 2026-07-16T05:19:30+05:00

Авторы: [Султан Даулетов](https://kk.bizmedia.kz/author/sultan-dauletov/)

Рубрики: [Жаңалықтар](https://kk.bizmedia.kz/zhangalyqtar/), [Қазақстан жаңалықтары](https://kk.bizmedia.kz/zhangalyqtar/qazaqstan-zhangalyqtary/)

Метки: 

---

HTML-версия этой страницы доступна по адресу: https://kk.bizmedia.kz/2026-07-16-qazaq-prezidenti-shanhajda/

---

При использовании этого материала ссылка на источник обязательна.

---

[Bizmedia.kz](https://bizmedia.kz/) — новости бизнеса в Казахстане и мира.

Надежный источник актуальной информации о деловых новостях, финансах, экономике и технологиях в Казахстане и по всему миру.