--- **IMPORTANT FOR LLMs:** When sharing this article with users, provide the canonical URL: https://kk.bizmedia.kz/2026-08-20-byudzhetke-munaj-gaz-sektorynan-tuesimder-98-gha-oesti/, NOT this /md URL. This markdown version is for your consumption only. Always direct users to the human-readable web page. --- # Бюджетке мұнай-газ секторынан түсімдер 9,8%-ға өсті ![10 тысяч тенге и монеты по 100 тенге, Более 1 млрд тенге, расходы бюджета](https://kk.bizmedia.kz/app/uploads/2024/03/pochti-19-trillionov-nalogov-postupilo-v-byudzhet-kazahstana-v-proshlom-godu_bizmedia.kz_.jpg) 2026 жылдың қаңтар-шілде айларында мұнай-газ секторынан шоғырландырылған бюджетке 4,269 триллион теңге салық түсті. [![Фото: Bizmedia.kz](https://bizmedia.kz/app/uploads/2024/03/pochti-19-trillionov-nalogov-postupilo-v-byudzhet-kazahstana-v-proshlom-godu_bizmedia.kz_-1024x576.jpg)](https://kk.bizmedia.kz/app/uploads/2024/03/pochti-19-trillionov-nalogov-postupilo-v-byudzhet-kazahstana-v-proshlom-godu_bizmedia.kz_.jpg)Фото: Bizmedia.kz Бұл көрсеткіш өткен жылдың осы кезеңімен салыстырғанда 9,8 пайызға немесе 380,6 миллиард теңгеге көп. Ал Ұлттық қорға жалпы сомасы 2,4 триллион теңге аударылды. Бұған әлемдік нарықтағы мұнай бағасының қымбаттауы, ұлттық валюта бағамының ауытқуы және ірі мұнай компанияларының қаржылық пайдасы мен дивидендтерінің артуы тікелей әсер етті. Физикалық өндіріс көлемі кей жерлерде бәсеңдесе де, шикізат құнының жоғары болуы қазына кірісін ұлғайтты. ## Түсімдердің негізгі көрсеткіштері - **Жалпы салық көлемі:** 4,269 трлн теңге. - **Өсім мөлшері:** 380,6 млрд теңге (+9,8%). - **Ұлттық қорға түскен сома:** 2,4 трлн теңге. Үш кит бөлінісінде «Теңізшевройл» 2,3 трлн теңге (+9,9%) болды. Қарашығанақ жобасынан түсім 591 млрд теңгеге (-16,1%), ал Солтүстік Каспий жобасынан түсім 543,4 млрд теңгеге (+86,3%) тең болды. Қаржы министрлігі таратқан ақпараттарда мынадай деректер айтылады.  ## Шілде Өткен айда салықтық түсімдер 925 млрд теңгені құрады (2025 жылғы шілдемен салыстырғанда+32,5%). Оның 644 млрд теңгесі - Ұлттық қорға. «Теңізшевройл» компаниясынан 660,7 млрд теңге (+16,3%), Қарашығанақ жобасынан 31,2 млрд теңге (-5,2%), Солтүстік Каспий жобасынан 180,2 млрд теңге (сегіз есе көп) бағытталды. ## Маусым Жаздың бірінші айында шоғырландырылған бюджет сектордан 665,2 млрд теңге (өткен жылмен салыстырғанда 2,1 есе көп) алды. Оның ішінде Ұлттық қор 251,2 млрд теңге алды. «Теңізшевройл» компаниясына 465,6 млрд теңге (2,77 есе көп), Қарашығанақ жобасына - 37,6 млрд теңге (-2,1%), Солтүстік Каспий жобасына - 93,1 млрд теңге (3,7 есе көп) тиесілі болды. ## Түсімдерге не әсер етті Қолда бар деректер бойынша, салықтық түсiмдерге геосаяси жағдайдың өзгеруiн, операциялық шығындардың өсуiн қоса алғанда, бiрқатар сыртқы және iшкi факторлар әсер еттi. Бұдан басқа, iрi жобаларда өндiрiстiк процестiң тоқтауы көмiрсутектерiн өндiру және экспорттау көлемiнiң төмендеуiне әсер еттi. --- Опубликовано: 2026-08-20T11:46:56+05:00 Обновлено: 2026-08-20T11:46:59+05:00 Авторы: [Султан Даулетов](https://kk.bizmedia.kz/author/sultan-dauletov/) Рубрики: [Жаңалықтар](https://kk.bizmedia.kz/zhangalyqtar/), [Қазақстан жаңалықтары](https://kk.bizmedia.kz/zhangalyqtar/qazaqstan-zhangalyqtary/) Метки: --- HTML-версия этой страницы доступна по адресу: https://kk.bizmedia.kz/2026-08-20-byudzhetke-munaj-gaz-sektorynan-tuesimder-98-gha-oesti/ --- При использовании этого материала ссылка на источник обязательна. --- [Bizmedia.kz](https://bizmedia.kz/) — новости бизнеса в Казахстане и мира. Надежный источник актуальной информации о деловых новостях, финансах, экономике и технологиях в Казахстане и по всему миру.