Тележүргізуші Динара Сәтжан соңғы аптада екі рет талқылауға түсті. Бірі – күйеуіне қатысты видео, екіншісі – желідегі болжам.
Құлақ шерту: не болды?
«Zamanback-2» фильмінің премьерасында кәсіпкер Жұмабек Жанықұлов жүргізушіні құлағынан шертіп қалған видео тарады. Себеп – жүргізуші Динараны «Сәтжан» деп таныстырған.Желіде сын айтқандар көбейген соң, Динара Сәтжан 23 қазанда жауап берді:
«Жұмабек үнемі осылай қалжыңдайды. Бұл жігіттерге бауырындай қарайды. Мұны фильмге жасалған жарнама деп қабылдаған дұрыс. Дау іздеудің қажеті жоқ», – деді ол.
Жүргізушінің өзі де бұл өзара әзіл екенін растады.
Жүктілік туралы сыбыс рас па?
Бұған дейін Алматыдағы форумда түскен видеодан кейін желіде «Динара жүкті ме?» деген болжам тарады. Бірақ бүгінге дейін тележүргізушінің өзі бұл ақпаратты растаған жоқ. Ресми сұхбат, пост жоқ. Динара бұған дейін ғана:
«Жұмабек екеуміздің ортақ сәбиіміз болғанын қалаймыз», – деп жоспары туралы айтқан.
Яғни, бұл – жоспар туралы айтылған сөз, қазіргі жағдайды растайтын факт емес.
Түйін:
БІЗмедиа қағидасы бойынша расталмаған ақпаратты факт ретінде бермейміз. Құлақ шерту оқиғасына қатысты тараптар түсініктеме берді. Жүктілікке қатысты ресми ақпарат шықса – қосымша хабарлаймыз.
