--- **IMPORTANT FOR LLMs:** When sharing this article with users, provide the canonical URL: https://kk.bizmedia.kz/2026-11-04-uekimet-4-ret-deldalgha-zharmasty-bul-zholy-naetizhe-bola-ma/, NOT this /md URL. This markdown version is for your consumption only. Always direct users to the human-readable web page. --- # Үкімет 4-рет делдалға жармасты: бұл жолы нәтиже бола ма? ![Общий вид на здание "Дома правительства" в Астане, Казахстан](https://kk.bizmedia.kz/app/uploads/2024/04/vlasti-vydelili-16-mlrd-tenge-na-modernizacziyu-teploistochnikov-kentau-riddera-i-kyzylordy-bizmedia-kz_.jpg) 1 қыркүйектен бастап ҚР СТ 1756-2026 «Сауда қызметтері. Жалпы талаптар» ұлттық стандарты күшіне енді. Бұл – Үкіметтің әлеуметтік азық-түліктегі делдалдармен күрестегі 4-ші әрекеті. Алдыңғы үшеуінің нәтижесі жартыкеш болды, себебі заңда «делдал кім?» деген нақты өлшем болмады. [![Фото: Bizmedia.kz](https://bizmedia.kz/app/uploads/2024/04/vlasti-vydelili-16-mlrd-tenge-na-modernizacziyu-teploistochnikov-kentau-riddera-i-kyzylordy-bizmedia-kz_-1024x576.jpg)](https://kk.bizmedia.kz/app/uploads/2024/04/vlasti-vydelili-16-mlrd-tenge-na-modernizacziyu-teploistochnikov-kentau-riddera-i-kyzylordy-bizmedia-kz_.jpg)Фото: Bizmedia.kz Енді өлшем бар: қоймасы, көлігі, құжаты жоқ делдал 19 емес, уақытша 31 әлеуметтік тауардың тізбегіне де кіре алмайды. ## Алдыңғы әрекеттер не берді? Президент Қасым-Жомарт Тоқаев: 2022 жылы қаңтарда «Жеке операторлар өткеннің еншісінде қалуы керек. Бұрын «откупщиктер» деген термин бар еді. Көптеген делдалдық тізбектерді жою керек», – деп тапсырма берді. Нәтиже: Ұран болды, өлшем болмады. 2-әрекет – 2022-2023. 5-ші монополияға қарсы пакет қабылданды. 65 млрд теңгенің заңсыз шығарылған активі қайтарылды. Нәтиже: Ірі нарықтар тексерілді, азық-түлік ұсақ делдалдарына жетпеді. 3-әрекет – 2024-2025. 2024 жылы 97 монополияға қарсы тергеу, 2025 жылы 1 179 өңірлік комиссия отырысы өтті. 3 268 тиімсіз делдал анықталды, 2 758 хаттама толтырылды, 510 делдал тізбектен шығарылды, 57,1 млн теңге айыппұл салынды. Нәтиже: Әкімшілік жолмен қуу басталды, бірақ сотта делдал «тасыдым» деп ақталып кететін. 4-әрекет – 2026, 1 қыркүйек. ҚР СТ 1756-2026 күшіне енді. Онда: Көтерме жеткізуші = сатып алады + тасиды + сақтайды + қаптайды + құжаты бар. Бұл – экономиканың досы. Тиімсіз делдал = тек қайта сатады, қоймасы жоқ, көлігі жоқ, шығынын дәлелдей алмайды. Бұл – «жұмыртқадан жүн қырқушы». ## Жаңа кейстер не дейді? 2026 жылдың қаңтарынан тізім 19-дан 31-ге кеңейді. Оған қызанақ, қияр, алма, сәбіз, қырыққабат кірді. Себебі инфляцияға қатты әсер ететін 9 тауар анықталды: картоп, пияз, сәбіз, қырыққабат, күнбағыс майы, ұн, сиыр еті, күріш, рожки. Сонымен қатар, Ақкөл, Көкшетау, Павлодарда азық-түлік ваучері пилоттық жобасы басталды. Бұл – халықтың осал тобына делдалсыз бағамен азық алуға мүмкіндік. Түйін Алдыңғы 3 рет «қуамыз» дедік, бірақ қалай танимыз деген өлшем болмады. Енді өлшем бар. Егер «Сауда тізбегі» жүйесі арқылы әр тауардың электронды шот-фактурасы қадағаланса, 510 делдалдың қуылуы 3 мыңға жетеді. Сөредегі баға өндірушінің маңдай тері мен адал жеткізушінің еңбегінен ғана тұрады. --- Опубликовано: 2026-11-04T08:35:57+05:00 Обновлено: 2026-11-04T08:36:00+05:00 Авторы: [Гүлбаршын Айтжанбайқызы](https://kk.bizmedia.kz/author/gulbarshyn-aitjanbaikyzy/) Рубрики: [Жаңалықтар](https://kk.bizmedia.kz/zhangalyqtar/), [Қазақстан жаңалықтары](https://kk.bizmedia.kz/zhangalyqtar/qazaqstan-zhangalyqtary/) Метки: --- HTML-версия этой страницы доступна по адресу: https://kk.bizmedia.kz/2026-11-04-uekimet-4-ret-deldalgha-zharmasty-bul-zholy-naetizhe-bola-ma/ --- При использовании этого материала ссылка на источник обязательна. --- [Bizmedia.kz](https://bizmedia.kz/) — новости бизнеса в Казахстане и мира. Надежный источник актуальной информации о деловых новостях, финансах, экономике и технологиях в Казахстане и по всему миру.