Алматыда Түркі әлемі елдерінің склероз ауруы бойынша VII халықаралық конгресі өтті.
Оның жұмысына Қазақстан, Әзірбайжан, Түркия, Өзбекстан, Қырғызстан және басқа түркі тілдес елдерден 300-ге жуық маман жиналған ғылыми форум офлайн режимінде қазақ, түрік, орыс және ағылшын тілдерінде өтіп, оған бес мыңға жуық адам онлайн-форматта қатысуда.
Конгрестің басты тақырыптары:
• Нерв жүйесінің демиелинизациялайтын ауруларын диагностикалаудағы инновациялар
• Симптоматикалық терапияның заманауи тәсілдері
• Пациенттерді оңалту және күтімдегі пәнаралық шешімдер
өтеді.
Қазақстандағы шашыраңқы склероз бойынша өзекті деректер:
• Барлығы: 3 885 пациент, оның ішінде 2 527 — әйелдер
• Алғаш рет анықталған: 644 жағдай, оның ішінде 463 — әйелдер
• Диспансерлік есепте: 18 жастан асқан 2 894 ересек пациент
Белгілі болғандай, бұл аурудың, жалпы қабылданған пікірге қарамастан, шашыраңқылыққа да, ұмыт қалуға да қатысы жоқ.
Мүгедектікке әкелетін осы ауыр аутоиммунды ауру үшін орталық немесе перифериялық нерв жүйесі талшықтарының зақымдануы (демиелинизация) тән. Аурудың дебюті көбінесе 20-40 жас аралығында болады. Оның салдары парездер — нерв жүйесінің зақымдануынан туындаған бұлшық ет күшінің ішінара төмендеуі, сал, жамбас дисфункциясы болуы мүмкін.
Қазақстанда үш жыл бұрын осы аурулар бойынша клиникалық хаттамалар қабылданды және олар бойынша диагностика жақсаруда. Ең бастысы — шашыраңқы склероз ағымын өзгертетін жаңа буын препараттары пайда болды. Олардың кейбіреулері ТМККК және МӘМС шеңберінде қолжетімді, олардың ең қымбаты қорлар арқылы өтеді. Яғни, пациенттер оларды ала алады, бірақ мұнда бәрі де оңай емес, себебі олардың кейбіреулері миллиондаған теңге тұрады, ал адамдар бұл терапияны үнемі алуы тиіс. Дегенмен, бұл ауруды емдеу тұрғысынан алға үлкен қадам жасалды және бұрынғы үмітсіздік шегіне бастады.
ҚР Денсаулық сақтау министрлігінің штаттан тыс бас неврологы, С.Асфендияров атындағы Қазақ ұлттық медицина университетінің жүйке аурулары кафедрасының меңгерушісі Сәуле Тұрыпбекова форумды аша отырып былай деді: «Қазақстанда осыдан үш жыл бұрын осы ауру бойынша клиникалық хаттамалар қабылданған болатын. Ең бастысы — шашыраңқы склероз ағымын өзгертетін жаңа буын препараттары пайда болды. Олардың кейбіреулері ТМККК және МӘМС шеңберінде қолжетімді, олардың ең қымбаты қорлар арқылы өтеді. Бұл ауруды емдеу тұрғысынан алға үлкен қадам жасалды. Егер өткен ғасырда шашыраңқы склероз ауыр мүгедектікке әкеп соқса, бүгінде заманауи терапия мен ерте диагностика арқылы оны бақылауға болады. Емдеудің басты мақсаты — ремиссия жағдайына қол жеткізу және оны қолдау. Қазіргі заманғы медицина бұл кезеңді едәуір ұзартуға, асқыну жиілігін азайтуға және сол арқылы мүгедектік қаупін азайтуға мүмкіндік береді».
Мәлімет үшін:
Шашыраңқы склероз — иммундық жүйе бас және жұлын тіндеріне шабуыл жасайтын ауыр аутоиммунды ауру. Бұл қозғалыс, когнитивтік, эмоциялық және көру функцияларының бұзылуына әкеледі. Дүниежүзілік денсаулық сақтау ұйымының бағалауынша, бүкіл әлемде 1,8 миллионға жуық адам склерозбен ауырады. Басқа дереккөздер бойынша диагноз әрбір 5 минут сайын қойылады және пациенттер саны 3,5 миллионға жетуі мүмкін. Ауруға көбінесе 20-40 жас аралығындағы адамдар шалдығады, олардың 70% -ы әйелдер.
