Бірқатар елдерде тұрғын үй нарығының аптығы басылып, баға кері шегіне бастағанда бізде керісінше, баға өсіп барады.
2025 жылдың қорытындысы баға өсімі жағынан көш бастап тұрмыз. «Коммерсант» газеті ресейлік «Домклик» талдау орталығының зерттеуінде
Ресей мен шет елдердегі жылжымайтын мүлік бағасының динамикасын зерттеді. Ол үшін мамандар шаршы метр құнының жылдық өсімін есептей отырып, ұлттық статистика агенттіктері мен бейінді порталдардың деректерін талдапты.
Сарапшылардың мәліметінше:
• «жаңа құрылыстардың бағасы едәуір қымбаттаған елдер Венгрия (+20 пайыз),
• Қазақстан (+16,6 пайыз)
• Беларусь (+15,8) болды».
• Осылайша, Қазақстан халықаралық рейтингте екінші орынды иеленді.
Бағаның өсуі абсолюттік мәнде расталады:
«2025 жылғы қаңтарда Қазақстанда тұрғын үй шаршы метрі 89,7, ал 2026 жылғы қаңтарда — 104,6 мың рубль болды».
Қайталама нарықтағы жағдай көрсеткіштен кем болмады.
Мұнда Қазақстан да көшбасшылардың үштігіне кірді: «қайталама нарықта бағаның өсуі бойынша:
• Португалия (+18,8 пайыз),
• Қазақстан (+13,6 пайыз),
• Венгрия (+12,2 пайыз) көш бастады».
Бұл ретте біздің елімізде дайын тұрғын үйдің «шаршы» құны жылына 95,1 мыңнан 108 мың рубльге дейін өсті.
Жаһандық контексте Қазақстан ерекше қарама-қарсы көрінеді.
• Бірқатар елдерде тұрғын үй нарығындағы құн баяулады немесе төмендеді. Салыстыру үшін,
• Беларусьте қайталама тұрғын үй жыл қорытындысы бойынша 2 пайызға арзандады,
• Қытайда баға 8,3 пайызға төмендеді,
• мұны талдаушылар артық өндіріс дағдарысымен және халықтың шағын қалалардан кетуімен байланыстырады.
Ресей, салыстыру үшін, біркелкі динамиканы көрсетіп отыр: онда жаңа құрылыстар 8,1 пайызға, қайталама тұрғын үйлер — 8,7 пайызға қымбаттады, бұл «іріктеме елдерінің көпшілігінен 1,5-2 есе төмен». Сарапшылар Түркия, Португалия және Испанияны қоса алғанда, бірқатар елдерде бағаның өсуіне инвестициялық сұраныс пен курорттық жылжымайтын мүлікке деген қызығушылық қолдау көрсетілетінін атап өтті. Алайда, Қазақстан жағдайында мұндай қарқынды динамика азаматтардың өздері үшін тұрғын үйдің қолжетімділігі туралы жиі сұрақтар туындатады.
Формалды түрде қазақстандық тұрғын үй нарығы өсуде. Іс жүзінде — шаршы метр сатып алушылардың мүмкіндіктерінен алыстап барады…
