Хабарламада айтылғандай, компания 2026 қаржы жылының II тоқсанында өткен жылдың сәйкес кезеңіндегі $586,1 млн-мен салыстырғанда $526,1 млн мөлшеріндегі жиынтық түсімді (нетто) көрсетті.
Ағымдағы жылдың 30 қыркүйегінде:
- ақша қаражаты мен оның баламаларының, шектеулі қаражаттың және инвестициялық бағалы қағаздардың көлемі $4,5 млрд,
- жиынтық активтері — $10,3 млрд, ал акционерлердің меншікті капиталы — $1,2 млрд құрады.
- Операциялық қызметтен түскен таза ақша ағыны $1 млрд. жетті.
- Клиенттердің жалпы саны 6,2 млн-ға дейін өсті, бұл 2026 қаржы жылының II тоқсанында барлық үш негізгі бизнес-сегмент бойынша клиенттік базаның өсуін қамтиды:
- брокерлік шоттар — 776 мың (+93 мың),
- сақтандыру компанияларының клиенттері — 1,3 млн (+115 мың),
- банк қызметтерін пайдаланушылар — 3,6 млн (+1,102 мың),
- Freedom SuperApp пайдаланушылары — 3,1 млн (+766 мың).
Комиссиялар мен алымдардан түсетін кірістер $121,1 млн-ға қарағанда $132,2 млн-ға дейін өсті, бірінші кезекте банк қызметтері мен төлемдерді өңдеуден түсетін кірістердің төмендеуімен ішінара өтелген брокерлік қызметтер мен агенттік комиссиялардан түсетін кірістердің ұлғаюының арқасында.
Сауда бағалы қағаздары бойынша таза пайда $37,1 млн болды, ал төмендеу қазақстандық корпоративтік облигацияларды жергілікті қарыз нарығындағы қысқа мерзімді раллиден кейін тиімді нарықтық бағамен сатудан туындады.
Жалпы шығыстар 2026 қаржы жылының II тоқсанында $457,7 млн-ға қарағанда шамамен $465,6 млн-ды құрады, бұл еңбекақы төлеу қорының және бонустардың, сақтандыру төлемдерінің, кәсіби қызметтер шығыстарының ұлғаюына және акциялармен өтемақыға байланысты. «Қазір біз трансформацияның белсенді кезеңінде тұрмыз — бірыңғай платформада брокерлік қызмет көрсетуді, банктік және сақтандыру қызметтерін, телекоммуникациялар мен жаңа сандық сервистерді біріктіретін интеграцияланған технологиялық экожүйе құрып жатырмыз. Бұл кезең болашақта неғұрлым жоғары пайда алуға мүмкіндік беретін операциялық іргетас қалыптастыру үшін тәртіптік шығыстарды талап етеді. Біз бұл шығыстарды клиенттеріміздің мүддесіне стратегиялық инвестиция ретінде қарастырамыз. Және біздің ұзақ мерзімді стратегиямызды іске асыруға — біздің қаржылық экожүйені қамтуды кеңейтуге, технологиялық инфрақұрылымды кеңейтуге және негізгі бизнестердің табыстылығын арттыруға назар аударуды жалғастырамыз. Біз бүгін қалап жатқан іргетас Freedom Holding Corp. тұрақты өсімге қол жеткізуге, операциялық қызметтің тиімділігін арттыруға және таяу жылдары акционерлер үшін құндылығын арттыруға мүмкіндік береді», — деп атап өтті Freedom Holding Corp басшысы Тимур Турлов
