«Бәйтерек» холдингіне берілді
Үкіметтің, Ұлттық банктің және Қаржы нарығын реттеу және дамыту агенттігінің 2026-2028 жылдарға арналған бірлескен іс-қимыл бағдарламасында макроэкономикалық тұрақтандыру, инфляцияны төмендету, ішкі өндірісті кеңейту және азаматтардың әл-ауқатының тұрақты өсуін қамтамасыз ету жөніндегі шаралар кешені таныстырылды.
Бұл бағдарламада үкіметтің экономикалық саясатының басты құралдарының бірі ретінде «Бәйтерек» холдингіне ерекше рөл беріледі.
- Үкімет инвестициялық мүмкіндіктерді кеңейту және өңдеу өнеркәсібі мен инфрақұрылымдағы басым жобаларды қолдау үшін 2026 жылы «Бәйтерек» холдингін 1 трлн теңгеге капиталдандыруды жалғастырады.
- Өз тарапынан холдинг жыл сайын қаржы нарығына сыртқы және ішкі көздерден 7 трлн теңгеге дейін тартатын болады.
Биыл «Бәйтерек» мемлекеттік қолдаудың жалпы көлемін 8 трлн теңгеге жеткізеді. Бүгінгі таңда холдинг кәсіпкерлік субъектілеріне жалпы сомасы 5,7 трлн теңгеге қолдау көрсетті.
- Мысалы, оның 1,7 трлн теңгесі ШОБ-тің 9,6 мың жобасын қолдауға, ал 860,3 млрд теңгесі 14 мың ауыл шаруашылығы тауарын өндірушілерді қолдауға бағытталған.
- Нәтижесінде 29 мыңға жуық жұмыс орны құрылды. Осындай шаралардың арқасында экономиканың 1,3 пайыздық тармаққа өсуі күтілуде.
