Алматыдағы сайлау учаскесінде Бүркіт костюміндегі маскот сайлаушыларды қуантты.
Ауэзов ауданындағы №175 сайлау учаскесінде таңғы сағаттардан ерекше көрініс орын алды. Мұнда сайлаушыларды Бүркіт костюміндегі маскот қарсы алды. Келушілер Бүркітпен амандасып, суретке түсіп, ерекше әсер алды. Бұл бастама учаскедегі атмосфераны жайлы етті.
Ұйымдастырушылардың айтуынша, Бүркіт бейнесінің болуы тек көңіл-күйді көтеріп қана қоймай, референдумға қатысудың маңызы мен ұлттық дәстүрлердің сабақтастығын символикалық тұрғыдан көрсеткен.
Осылайша, №175 сайлау учаскесі қарапайым дауыс беру орнынан жылы қарым-қатынас пен жағымды әсерге толы аймаққа айналды.
