Орталық сайлау комиссиясы референдумда дауыс беретін қанша сайлау учаскесі өз жұмысын басталды.
Облыстық, республикалық маңызы бар қалалардың, астананың комиссиялары ұсынған деректерге сәйкес 2026 жылғы 15 наурыздағы сағат 07:00 жағдай бойынша өңірлердегі барлық 10 388 учаске дауыс беруге кірісті. 92 учаскеде аумақтық комиссиялардың шешімдеріне сәйкес дауыс беру сағат 06: 00-де басталды. Тізімге 12 461 796 азамат енгізілді. Жалпы алғанда, учаскелік комиссиялар азаматтардың жазбаша өтініштері бойынша дауыс беру құқығына 17 514 есептен шығару куәлігін берді.
Республикада барлығы 10 388 дауыс беру учаскесі бар. Оның ішінде Қазақстанның шет елдердегі өкілдіктерінің жанында 54 елде 71 учаске бар.
Естеріңізге сала кетейік, бүгін Қазақстанда жаңа Конституцияны қабылдау бойынша референдум өтуде.
Айта кетейік, Алматыда бірінші болып дауыс берушілерге әдеттегідей сыйлықтар берілді. Ал елордада қала әкімі Жеңіс Қасымбек бірінші болып дауыс берді.
