2025 жылғы 31 тамыздан бастап тасымалдаушылар ұшақтарға, пойыздарға және теңіз көлігіне сатып алынған және броньға қойылған билеттер туралы деректерді құқық қорғау және арнайы мемлекеттік органдарға бере бастайды. Тиісті бұйрыққа жаңа редакцияда Көлік министрінің міндетін атқарушы Мақсат Қалиақпаров қол қойды.
Жаңа ережеге сәйкес:
- тасымалдаушылар мемлекеттік органдарға жолаушылар туралы мәліметтерді ұсынуға міндетті. Ақпарат тізбесіне: тегі, аты, әкесінің аты (бар болса), туған күні, жынысы, азаматтығы, куәландыратын құжаттың деректемелері, жүру бағыты, багаж туралы мәліметтер, ақы төлеу нысаны, орын нөмірі, сондай-ақ жолаушының келісімі бойынша оның байланыс деректері кіреді.
- Билеттерді сату дербес деректерді жинауға және өңдеуге жолаушылардың міндетті келісімін алумен қоса жүреді.
- Мәліметтерді беру құқық қорғау және арнаулы мемлекеттік органдардың ақпарат алмасу жүйесі арқылы не олардың базаларымен тікелей интеграциялау арқылы жүзеге асырылады.
- Барлық уақытша параметрлер Астана уақыты бойынша тіркеледі.
- Техникалық іркілістер болған жағдайда алмасуға қатысушылар проблеманы жедел жоюға міндетті.
Авиатасымалдар.
Ақпарат екі рет беріледі:
- ұшуға дейін 48 сағат бұрын және тіркеу аяқталғаннан кейін 30 минут ішінде. Міндет Қазақстанға және одан рейстерді орындайтын шетелдік авиакомпанияларды қоса алғанда, барлық авиакомпанияларға қолданылады.
- Пакетке дербес деректер, билет, маршрут, салондағы орны, багаж және төлем туралы мәліметтер кіреді.
Темір жол тасымалдары.
- Жолаушылар туралы деректер «Экспресс» АБЖ жүйесі арқылы келіп түседі және құжат, бағыт, орын, сондай-ақ сатып алынған және броньға қойылған билеттер туралы ақпаратты қамтиды. Беру тәулігіне бес рет жүзеге асырылады:
Теңіз жолы тасымалы
- Тасымалдаушылар, шетелдiктердi қоса алғанда, Қазақстанға теңiз көлiгiмен, одан немесе қайта отырғызу арқылы транзитпен келе жатқан жолаушылар туралы деректердi беруге мiндеттi.
- Мәліметтер уәкілетті органдарға кемелердің келу және жөнелту кестесіне байланысты тәулігіне төрт рет беріледі. Деректер теңіз вокзалының кассасында билет сатып алған кезде не билетті үйге жеткізген кезде тіркеледі.
Бұйрық 2025 жылғы 31 тамызда күшіне енеді.
