Банктерге қатысты кез-келген жаңалықты қоғам демін ішіне тартып күтіп отыр. Соның ішіндегі ең маңыздысы проблемалық банктерді құтқару жүйесі қайта қаралып жатыр. Күні кеше ғана Мәжілісте таныстырылған жаңа «Банктер және банк қызметі туралы» заң жобасының ең қызық тұсы – мемлекет шығындарын барлық банк бірігіп жабуға тиіс деген ұсыныстар
банктер ендігі жерде біреу барлығы үшін, барлығы біреу үшін жауап береді
Қаржы нарығын реттеу және дамыту агенттігі мен Ұлттық банк бірлесіп қай банкті жүйе құраушы деп танитынын анықтайды. Агенттік төрайымы Мадина Әбілқасымованың айтуынша, мұндай қолдау «соңғы шара» ретінде ғана қарастырылады.
Банктер ендігі жерде біреуі барлығы үшін бәрі біреу үшін жауап береді
«Мемлекеттік көмек тек миллиондаған салымшының мүддесін қорғау үшін қажет болған жағдайда беріледі. Бұл – бүкіл жүйенің құлдырауына жол бермеу тетігі», – деді ол.
Жаңа нормаға сәйкес, мемлекет банкке қолдау көрсетсе, оның шығынын барлық банк міндетті жарна арқылы өтейді. Мәжіліс төрағасының орынбасары Дания Еспаеваның айтуынша, мемлекет көмек берсе, ол қаражат барлық банктің есебінен қайтарылады. Тіпті өзі мұндай қолдау ала алмайтын шағын банктер де үлес қосуға міндетті болады
