Жексенбі, 30 қараша күні Қазақстан Республикасы Сыртқы істер министрлігінің ресми өкілі Айбек Смадияров Каспий құбыр консорциумына жасалған шабуылға байланысты мәлімдеме жасады.
«Қазақстан Республикасы Сыртқы істер министрлігі Новороссийск теңіз портының акваториясындағы халықаралық Каспий құбыр консорциумының сындарлы инфрақұрылымына кезекті мақсатты шабуылға байланысты наразылық білдіруде», — делінген мәлімдемеде.
Одан әрі «болған оқиға тек азаматтық объектіге қарсы үшінші агрессия актісі болып табылатыны, оның жұмыс істеуі халықаралық құқық нормаларымен кепілдендірілгені» ескертілген.
Министрлікте атап өткендей, КБК әлемдік энергетикалық жүйенің тұрақтылығын қолдауда маңызды рөл атқарады.
«Болған оқиғаны Қазақстан Республикасы мен Украинаның екіжақты қарым-қатынастарына нұқсан келтіретін әрекет ретінде қарастырамыз және Украина тарапынан болашақта осындай оқыс оқиғаларға жол бермеу жөнінде пәрменді шаралар қабылдауды күтеміз», — делінген құжаттың соңында.
Естеріңізге сала кетсек, 29 қарашада Каспий құбыр консорциумының (КҚК) теңіз терминалына экипажсыз катерлер соққы берген болатын. Нәтижесінде жылжымалы айлақ құрылғысы зақымданып, барлық операциялар тоқтатылды.
