«Ашық НҚА» порталында жарияланған түзетулер пакеті анонимді Telegram-арналар мен аудиториясы жоғары басқа да ірі аккаунттарды қамтиды.
Өзгерістер контент үшін жауапкершілікті күшейтеді, ал 5000-нан астам жазылушысы бар аккаунттарға жасырын болуға тыйым салынады.
Қазіргі уақытта Қазақстанда Telegram-арналарын міндетті тіркеу жоқ, бірақ 2023 жылдан бастап қолданыстағы «Онлайн-платформалар және онлайн-жарнама туралы» заң ірі интернет-сервистерді елде өкілдікке ие болуға, реттеушімен өзара іс-қимыл жасауға, заңсыз контентті жоюға және қажет болған жағдайда пайдаланушыларды сәйкестендіруді қамтамасыз етуге міндеттейді. Telegram Қазақстанда да өз өкілдігін ашатыны туралы 2024 жылғы қазанда хабарланған болатын.
Енді
- 5000-нан астам жазылушысы бар анонимді аккаунттар үшін деректерді деанонимизациялау үшін ашу міндеті енгізіледі. «Бес мыңнан астам жазылушысы бар онлайн-платформаларды пайдаланушылардың анонимді аккаунттарын деанонимизациялауды қамтамасыз ету мақсатында», — делінген құжатта.
Бұл ретте жасырын арналардың иелері нақты қалай тіркелуі немесе сәйкестендірілуі тиіс екендігі көрсетілмеген.
Түзетулерде сондай-ақ платформа иесі қылмыстық немесе зиянды контент тарататын аккаунттардың қызметін, сондай-ақ балаға қатысты кибербуллинг деп танылған ақпаратты тоқтата тұруы тиіс екендігі көрсетілген.
Байланыс операторлары мен платформа иелері «тыйым салынған ақпаратқа қол жеткізуді шектеу жөнінде дереу шаралар қолдануға міндетті», ал арнадағы жала жабу немесе қорлау айыппұл салуға немесе қамауға алуға негіз болады деп жазылған.
Түзетулер медиа заңнамасын реформалаудың жалғасы ретінде ұсынылады және құжат 2025 жылғы 29 желтоқсанға дейін жария талқылау сатысында тұр. Олар мақұлданған жағдайда бейінді заңдар мен Әкімшілік құқық бұзушылық туралы кодекске енгізіледі.
