«ҚазТрансОйл» 10 желтоқсанда орын алған шабуылға байланысты баламалы бағыттар бойынша КҚК мұнай құбырлары жүйесінен халықаралық мұнай ағындарын қайта бағдарлау туралы хабарлады.
Нәтижесінде 2025 жылғы желтоқсанда экспорттық бағыттар бойынша мұнай жеткізу көлемінің ұлғаюы бастапқы кестемен салыстырғанда:
- Атырау — Самара — 232 мың тоннаға;
- Қытай — 72 мың тоннаға;
- Ақтау порты (Баку — Тбилиси — Джейхан бағытында) — 58 мың тоннаға.
«Қосымша 2025 жылдың желтоқсан айында «ҚазТрансОйл» АҚ мұнай өндіруші компанияларға мұнайды резервуарлық паркте жауапты сақтауға уақытша орналастыру мүмкіндігін береді», — делінген оператордың хабарламасында.
Естеріңізге сала кетейік, КҚК-ға шабуыл 29 қарашада экипажсыз катерлермен жасалған болатын. Нәтижесінде теңіз терминалы айтарлықтай зақымданған.
Сарапшылардың пікірінше, соңғы жылдары алғаш рет орын алған оқиға Қазақстанның мұнай саласы үшін үлкен қауіп-қатер факторын тудырды. Бұл фактор мұнай секторының есін жидырып, экспорттық ағынының 80% тәуелді болатын бағыттың физикалық осалдығын жайып салды.
Осы жылдың желтоқсан айында «Қазтрансойл» мұнай өндіруші компанияларға резервуарлық паркте мұнайды жауапты сақтауға уақытша орналастыру мүмкіндігін береді. Бұл шара жөнелту кестелерінің икемділігін, айдау режимдерін оңтайландыруды және магистральдық мұнай құбырлары жүйесі бойынша жеткізулердің үздіксіздігін қамтамасыз етеді.
