Сарапшылар арасындағы пікір әзірге екі -үш тармаққа бөлініп тұр.
Тұрақты болады деген пікірді жақтаушылар 2025 жылдың соңғы екі айындағы болжамды қаперге алып тұр. Бірақ тұрақтылықты сақтап қалады деп санайтындардың да қарасы басым. Олар алдағы 12 пайда валютамыздың әлсірейтінін айтып отыр. Мұндай болжам Қазақстан қаржыгерлері қауымдастығының (ҚҚҚ) талдамалық шолуында айтылды.
Талдаушылардың бағалауы бойынша, теңге 2024 жылы 15,5% -ға әлсіреді. Жыл соңында Ұлттық банк тарапынан шетел валютасы ұсынысының өсуі, квазимемлекеттік сектордың валютаны тұрақты сатуы, содндай-ақ мемлекеттік бағалы қағаздарға резидент еместер қаражатының ағыны есебінен қосымша күш алды.
Алайда 2026 жылы теңгеге қысым күшеюі мүмкін.
ҚҚҚ сарапшылары USD/KZT бағамының бір доллар үшін 553,6 теңгеге дейін өсуін күтуде, бұл ағымдағы деңгейге қарағанда 5,9% -ға әлсіреуді болжайды. * Тәуекелдің негізгі факторлары арасында сарапшылар шикізат тауарларынан түсетін экспорттық түсімнің төмендеуін, инвестициялық және инфрақұрылымдық жобаларды іске асыру аясында импорттың өсуін, сондай-ақ Ұлттық қордан түсетін трансферттердің 5,3 трлн-нан 2,8 трлн теңгеге дейін айтарлықтай қысқаруын атайды.
ҚҚҚ Қазақстан экономикасы 2026 жылы тоңазытылады деп санайды
- Талдаушылардың болжамы бойынша ЖІӨ өсу қарқыны 2025 жылы жеделдетілгеннен кейін 4,4% -ға дейін баяулайды,
- инфляция екінші жыл қатарынан екі мәнді деңгейде сақталады, ал кредиттік цикл тарылу фазасына өтуі мүмкін.
Осының аясында ақша-кредит саясатын жұмсарту үшін кеңістік шектеулі күйінде қалып отыр.
- 2026 жылы базалық мөлшерлемені 16,5% -ға дейін төмендету мүмкін болғанымен, теңгелік активтердің нақты кірістілігін азайту ұлттық валютаның тартымдылығын қосымша әлсіретуі және бағамдық тәуекелдерді күшейтуі мүмкін, деп атап көрсетеді Қазақстан қаржыгерлер қауымдастығы.
Бұған дейін Қазақстан қор биржасында (KASE) 2025 жылғы 18 желтоқсанда сағат 15: 30-да шетел валюталары бойынша күндізгі сауда-саттық жабылғаны хабарланған болатын. Сауда-саттық қорытындысы бойынша доллардың орташа алынған бағамы тағы 0,77 теңгеге төмендеп, 513,55 теңгені құрады.
