Классикалық кино ретінде тарихта калған кинотуындылардың кейіпкерлеріне ескерткіш сомдау халықаралық тәжірибеде бар. 2022 жылы Астанада Бердібек Соқпақбаевтың «Менің атым Қожа» шығармасының желісі бойынша басты кейіпкеріне арналған ескерткіштің салтанатты ашылды. Ескерткіш ашу идеясының авторы – жазушы Жанболат Аупбаев, жалпы биіктігі – 183 см, қоладан және граниттен жасалған. Мүсінші Азамат Талапханның айтуынша, жұмыс үш айға созылды. «Маған осы ескерткішті жасау туралы ұсыныс түскен бойда түрлі идеяларды ойластыра бастадым. Ескерткіш арқылы бас кейіпкердің мінезін көрсету, шығарма желісін жеткізу өте маңызды болды. Сонымен, фильмнің есте қаларлық көріністерінің бірін бейнелеу жөнінде шешім қабылдап, Қожаның айна алдында отырған сәтін көрсеттік. Жұмыста айтарлықтай қиындықтар болған жоқ. Ескерткіш жұртқа ұнайды деп үміттенемін», — деді монумент авторы.
Кеше
18 желтоқсанда Мәскеуде Горький атындағы киностудияның жанында «Көктемнің он жеті сәті» атты кеңестік көп сериялы фильмді жасаушыларға ескерткіш ашылды.
Рәсімге кинематографистер, Ресей мәдениет министрі Ольга Любимова және Сыртқы барлау қызметінің басшысы Сергей Нарышкин қатысты. Бұл туралы ria.ru жазады.
«Ол, сөзсіз, батыл, жігерлі, шексіз тартымды адам, бүкіл өмірін Отанға шексіз қызмет етуге арнаған ең жоғары деңгейдегі кәсіпқой адам. Вячеслав Васильевич Тихонов полковник Исаев-Штирлиц рөлін соншалықты сенімді және сенімді атқарғандықтан, өз кейіпкерінің шынайылығына және бүкіл сюжеттік желіге еш күмән қалдырған жоқ», — деп атап өтті Нарышкин.
Қолада фильмнің режиссері Татьяна Лиознова кеңес барлаушысы Максим Исаев-Штирлицтің рөлін сомдаған Вячеслав Тихоновпен жұмыс эпизодын талқылаған кезде түсіру процесі бейнеленген.
Ескерткішті мүсінші Андрей Ковальчук орындады. Ол «Көктемнің он жеті сәті» фильмінің режиссері Татьяна Лиознованың басты рөлді орындаушы Вячеслав Тихоновқа ұсынымдар берген сәтін түсіріп алды. Фильмде ол герман қолбасшылығына Штирлиц фамилиясымен енгізілген кеңестік барлаушы Максим Исаевты ойнады.
Ескерткіш Ресейдің Сыртқы барлау қызметінің 105 жылдығын мерекелеу қарсаңында ашылды. Осыған байланысты рәсімге оның директоры Сергей Нарышкин қатысты.
«Атаманның ақыры», «Транссібір экспресі» кейіпкерлеріне ескерткіш керек
Қазіргі кинолардың бағыты туралы қоғамдық пікір әлі бір байламға келген жоқ. Аға буын өкілдері кешегі оларды Сұлтан Қожықов, Шәкен Айманов түсірген фильмдермен салыстырып қарайды, көңілдері толмайды.
Қазақ киносының аңызы мен абызы Асанәлі Әшімов сомдаған кейіпкерлері Алматы мен Астананың көрнекті жерлерінен ескерткіш қою керек деген пікір көптен айтылып жүр. Өмірдегі Құнанбайды Досхан Жолжақсынов сомдаған бейнеде қабылдай алмасақ та, Асанәлі, Құман, Меруерт сомдаған бейнелерді сол қалыпта қабылдайтынымыз анық,
Қазақ тариыхында таңбаланып қалған аңыз фильмдердің аңыз кейіпкері Асанәлі Әшімов біздің ұсынысымызды қолдап шықты.
Демек, Ақорданың идеогтары бұл ұсынысты қаперге алатын шығар деп үміттенеміз.
