Ұлттық қордың халықаралық резервтері 2025 жылы 2024 жылдың қорытындысымен салыстырғанда 42,7% -ға өсіп, $65,4 млрд-қа жетті.
2025 жылы Ұлттық қордың активтерін басқарушы — Ұлттық инвестициялық корпорация неғұрлым тартымды жинақ құралдарының пайдасына валюталық бөліктің қысқару үрдісін жалғастырды. Мәселен, халықаралық резервтердегі еркін айырбасталатын валютадағы активтердің үлесі жылдық көрсетуде 17,3% — ға, $18,2 млрд. дейін қысқарды. Осының аясында монетарлық алтынның көлемі 98% өсіп, $47,2 млрд. дейін жетті. Осылайша, монетарлық алтынның үлесі Ұлттық қордың халықаралық жалпы резервтерінде 75% -ға дейін өсті.
Таза халықаралық резервтер (міндеттемелерді шегергенде) 2025 жылы 45% -ға, $63 млрдқа дейін өсті Ұлттық қордың валюталық активтерінің үлесі жылдық көрсетуде 9% — ға, $63,9 млрд. дейін ұлғайды.
2026 жылғы қаңтарда алтын трой унциясы үшін $5 мың тарихи шегінен өтті Негізгі себептер — геосаяси шиеленіс, орталық банктердің белсенді сатып алуы, АҚШ ФРЖ тәуелсіздігін жоғалту тәуекелі аясында доллар бағамының төмендеуі. Алтынның құнын инвесторлардың үрейі көбірек итермелеуде. Актив айтарлықтай құбылмалылыққа ұшырайды. Мәселен, 2026 жылғы қаңтардың аяғында алтынның құны $5 мыңнан төмен белгіге дейін түзетілді.
