Президент Конституциялық комиссия төрағасы, Конституциялық сот төрағасы Эльвира Әзімова, Комиссия төрағасының орынбасары – Мемлекеттік кеңесші Ерлан Қарин, сондай-ақ Комиссия мүшесі, Президенттің құқықтық мәселелер жөніндегі көмекшісі Ержан Жиенбаевпен кездесті.
Президентке жаңа Негізгі заң жобасымен жұмыс барысы туралы баяндалды. Әзімованың айтуынша, құжат жарияланғаннан кейін eGov және e-Otinish порталдарында жалпыхалықтық талқылау үшін азаматтардан 4 мыңнан астам өтініш келіп түскен.
Комиссия басшысы атап өткендей, азаматтар жобаны қолдап, оның қазіргі заманғы шындыққа сәйкес келетінін және қоғам мүддесін білдіретінін айтады. Бастаманы саяси партиялар, сондай-ақ республикалық және өңірлік қоғамдық бірлестіктер де қолдады.
Қасым-Жомарт Тоқаев азаматтардың талқылау барысын қадағалап, жаңа Конституция жобасының ережелерімен егжей-тегжейлі танысуы үшін комиссия жұмысын ашық форматта жалғастыру қажеттігін атап өтті.
Қасым-Жомарт Тоқаев Конституциялық комиссия жұмысы ашық әрі жария форматта жалғасуы тиіс екенін ерекше атап өтті. Президенттің айтуынша, бұл тәсіл азаматтарға талқылау барысын қадағалап, Конституция жобасының әр бабымен егжей-тегжейлі танысуға мүмкіндік береді.
Сонымен бірге Мемлекет басшысы сарапшылар мен қоғам өкілдерінен түскен барлық ұсынысты мұқият талдап, ешбір пікір назардан тыс қалмауы керектігін тапсырды. Президент сарапшылар қоғамдастығынан да, азаматтардан да келіп түсетін барлық ұсыныстарды одан әрі мұқият талдауды тапсырды.
4 мыңнан астам ұсыныс түскен
Бұдан өзге, Эльвира Әзімова Конституциялық комиссия мүшелері жобаның жекелеген баптары мен тармақтарының редакциялары бойынша жұмысты жалғастыратынын хабарлады. Эльвира Әзімованың айтуынша, жоба халық талқысына шыққаннан бері eGov және e-Otinish порталдары арқылы 4 мыңнан астам ұсыныс пен пікір келіп түскен.Бұл – қоғамның конституциялық өзгерістерге бейжай қарамайтынын көрсететін маңызды көрсеткіш. Азаматтар жаңа Конституция жобасын қазіргі заман талаптарына сай әрі қоғам мүддесін ескерген құжат деп бағалап отыр. Сонымен қатар саяси партиялар мен республикалық, өңірлік қоғамдық ұйымдар да бастаманы ашық қолдаған. Комиссияның кезекті отырысы 7 ақпанда және келесі аптада өтеді.
