Әлемде екі соғыс қатар жүріп жатыр. Бірі – Таяу Шығыста, екіншісі – биржада. Үш күнде Brent $108-ден $103,17-ға құлады. Осы кезде алтын қайта өсіп жатыр. Бұл – кездейсоқ емес.
Мұнай неге арзандады?
Reuters жазғандай, баға 3 сессия қатарынан түсіп жатыр. Себебі үш:Сауд Арабиясы East-West құбыры зақымдалса да, мұнайды Оман арқылы балама жолмен сата бастадыАҚШ, Сингапур, Еуропада қор өстіҚытай тамызда мұнай өнімдерінің экспортын 12,7%-ға көбейттіНәтижесінде Brent $1,65-қа арзандап, $103,17 болды. WTI – $101,30.Бірақ $100 деңгейі әлі сақталып тұр. Себебі Ормұз бұғазындағы тәуекел мен хуситтердің соққылары әлі бар.
3 күнде Қазақстан қанша тапты, қанша жоғалтты?
Мұнай $108 болған 3 күнде Қазақстан қосымша табыс тапты.Қазір КТК арқылы тәулігіне 1,5 млн баррель экспортталып жатыр (Қарашығанақ жөндеуге байланысты азайған)1,5 млн x 3 күн = 4,5 млн баррель4,5 млн x $5 = $22,5 млн (12,2 млрд теңге) қосымша табысОның $10-13 млн-ы (45-60%) мемлекетке – бюджет пен Ұлттық қорға түседі. Қалғаны – Теңіз, Қашағандағы шетелдік серіктестердің үлесі.Ал қазір $103-ке түскенде, дәл сол $22,5 млн-ды 3 күнде жоғалтып жатырмыз. Бұл – мұнайға тәуелділіктің бағасы.
Бұл алтын майданға қалай байланысты?
Мұнай мен алтын – бір соғыстың екі майданы.1971 жылы АҚШ доллар мен алтынды ажыратқанда, жүйе жасады: мұнай қымбаттаса – доллар күшейеді, алтын арзандайды.Осыны 2026 жылы қайта қолданды:Маусымда алтын 11%-ға құлады. Себебі мұнай қымбаттап, доллар күшейді.Бірақ Орталық банктер баға түскенде сатып ала бастады. World Gold Council бойынша II тоқсанда 289 тонна алтын сатып алынды. Қазақстанның өзі 15 тонна қосты, қоры 299 тоннаға жетті.Тамызда Қазақстан резерві $70,57 млрд болды, оның $7,62 млрд-ы – алтынның қымбаттауы есебінен.Сондықтан Ұлттық Банк биылдан бастап алтын сатуды тоқтатып, тек жинап жатыр.Bizmedia түйін:Мұнай 3 күнде $5 қымбаттаса – 12 млрд теңге табамыз, 3 күнде $5 арзандаса – 12 млрд жоғалтамыз.Ал алтын 5 жылда 1 грамм 24 880 теңгеден 64 989 теңгеге өсті – 161%.Мемлекет мұнайдағы табыстың 60%-ын ғана алады, ал алтындағы табыстың 100%-ы өзімізде қалады.Сондықтан алтын майдан – бұл Қазақстанның қауіпсіздігі үшін майдан.
