Бүгін Ұлттық банктің Ақша-кредит саясаты комитеті базалық мөлшерлемені өзгеріссіз қалдырды. Қазіргі ставка жылдық 16,5% деңгейінде тұр. Бірақ осы тақырыпта брифинг берген бас банкир Тимур Сүлейменов инфляция бәсеңдемесе ставканың өсетінін нарыққа жасырмай ашық айтты.
«Алдағы айларда инфляция қарқынының айтарлықтай баяулауы байқалмаса, Комитет инфляцияны 5% мақсатты дәлізге қайтару үшін ақша-кредит жағдайларын қатаңдатуға ниетті. Сол себепті, алдағы отырыстарда базалық мөлшерлемені көтеру мүмкіндігі жоққа шығарылмайды», – деді Тимур Сүлейменов.
Сарапшы Айбар Олжаевтың айтуынша, 3 күннен кейін банктер үшін ең төменгі резервтік талаптар (МРТ) енгізіледі. Осы құралдың көмегімен экономикадан кезең-кезеңімен 3,5 трлн теңгеге дейінгі қаражатты шығару жоспарланып отыр. Бұл монетарлық инфляцияға қарсы күрес тәсілдерінің бірі. Біз бұл құралды тұңғыш рет қолданайын деп тұрмыз.
Базалық мөлшерлеме өссе не болады
Қазір шынымен де базалық ставканы түсіру қауіпті. Себебі келесі жылдан бастап біз жаңа салықтық тарифтерге өтеміз. Ол тауарлар мен қызмет бағасын арттырады. Ал мұнай бағасының қымбаттауы күтілмейді. Осыған орай экономикалық агенттерде инфляциялық күтулер жоғары болып отыр. Ұлттық Банкке бұл жағдайда барлық монетарлы рычагтарын қатаң режимде ұстау қажет. Сондықтан Комитеттің келесі отырысы өтетін 10-шы қазанда ставканың жоғары қарай өрлеуін көрсек таң қалмауымыз тиіс.
