Президент Тоқаев Қазақстанға ірі инвестициялар тарту қажет екенін және ол үшін жаңа инвестициялық циклді іске қосу қажеттігін мәлімдеді. Мемлекет басшысының жеке «инвестициялық» ведомство құрудың қажеті жоқ деген пікірі осы бағытта жиі айтылатын пікірлерге нүкте қояды.
«Бұл саладағы қазіргі саясатты нәтижелі деп айтуға болмайды. Қаражаттың едәуір бөлігі шикізат саласына түседі «, — деді президент.
Оның айтуынша, енді инвестицияларды өңдеу өнеркәсібіне бағыттау қажет.
«Елде инвесторлармен өзара іс-қимылдың ауқымды және бытыраңқы жүйесі қалыптасты. Ол сөзсіз бюрократияға және функциялардың қайталануына әкеледі. Қазіргі күрделі жағдайда инвестиция тарту — бұл бізден жаңа тәсілдерді талап ететін бірінші кезектегі міндет. Кез келген жағдайда инвестиция тарту жөніндегі барлық ұйымдастыру жұмыстары толығымен премьер-министрге жүктелетінін ерекше атап өткім келеді. Жаңа министрлік құрудың қажеті жоқ. Алайда, бір де бір мемлекеттік құрылымның атауында «инвестиция» деген сөз жоқ. Бұл мәселе үш-төрт мекеменің қарауында және өз шешімін таппайды. Сондықтан премьер-министрге нақты ұсыныстар әзірлеуге он күн беремін. Бұдан басқа, үкіметке қысқа мерзім ішінде инвестициялар тарту жүйесін түбегейлі жаңарту бойынша іс-қимыл жоспарын әзірлеуді тапсырамын «, — деді Тоқаев.
