Бүгін Ұлттық статистикасы бюросы биылғы сегіз айдың қорытындысын шығарып, экономикалық өсімнің 6,5% өсімін тіркеді.
- Бұл бір ай бұрынғы көрсеткіштен 0,2 пайызға артық. Осы үшінші тоқсанның шешуші екенін ескерсек, және қараша мен желтоқсанда қарқынымызды жоғалтпасақ, 2025 жылы экономикамыз кемінде 6,3 пайызға өсуі мүмкін.
- Осы арқылы біз өзіміздің оптимистік жоспарымызды реалды фактқа айналдыра аламыз. Және соңғы 10 жылдағы ең жақсы нәтиже көрсетейін деп тұрмыз.
Өткен айда экономиканың қарқынды өсуі сауда, өнеркәсіп және байланыс салаларындағы оң динамикаға байланысты.
- Өнеркәсіп 7,6%-ға өсті. Өсімі 6,5%-ды құраған өңдеу секторында да өсім қарқынының жеделдеуі байқалды.
- Оның ішінде машина жасау (+15,1%), тамақ өндірісі (+10,1%), мұнай өңдеу (+7,6%), химия өнеркәсібі (+7,5%) және металлургия (+1,1%) салалары жақсы дамуда.
Сарапшы Айбар Олжаевтың айтуынша, экономикадағы шарықтаудың негізгі киттері транзит пен логистика, құрылыс, сауда мен өңдеу өнеркәсібі болып отыр. Өсім сапалы ма? Бұған біржақты жауап айта салу қиын. Себебі өсуіміздің көп бөлігі әлі экстенсивті факторларға негізделген.
Мысалы, құрылыс мемлекеттік қаржы мен заказдың есебінен өсуде. Ал сауда көбінесе импортты тауарларды сатудан өркендеп отыр. Мемлекеттік қаржының көп бөлінуі мен импорттың ел ішінде көп сатылуы біздің инфляцияны қайта-қайта қоздырып жатқаны жасырын емес. Бізге технологиялық жаңғырту, өнімділік көрсету, экспорттың құрамын жақсарту сияқты интенсивті драйверлер қатты қажет.
Сарапшы айтып өткендей:
- биылғы жылды ішкі жалпы өнімнің кемінде 6,3% өсуімен аяқтасақ, онда Олжас Бектенов Үкімет басшысы ретінде Серік Ахметовтың (6%) көрсеткішін басып озады.
- Қазақстан экономикасын барынша өсірген премьерлер рейтингінде ТОП5 тізіміне кірмек.
- Жалпы бұл рейтингті 1999-2002 жылдар аралығында 13,5% өсім көрсеткен Қасым-Жомарт Тоқаев бастап тұр.
Және биыл қазақ халқының пайда болған уақытынан бері тұңғыш рет оның мемлекетінің (Қазақ хандығы, Алашорда, ҚазАССР, ҚазССР, Қазақстан Республикасы) ішкі жалпы өнімі 300 миллиард доллардан асатын болады.
