Қазақстанда коммуналдық жүйелерді жетілдіріп, ақылды үйлермен қамтамасыз ету үшін бірнеше триллион тенге керек екен. Бұл туралы Өнеркәсіп және құрылыс министрлігі LS тілшісімен кездескен кезде айтып беріпті.
Ведомствоның мәліметінше, желілердің жоғары тозу деңгейін және технологиялық ескірген жабдықтарды ескере отырып, елімізде энергетикалық және коммуналдық секторларды жаңғырту бойынша ұлттық жоба бекітілді.
- Құжатта ескірген электр, жылумен, сумен жабдықтау және су бұру желілерін жаңғырту және ауыстыру бойынша жоспарлар жазылған.
- Сондай-ақ заманауи цифрлық және энергия тиімді технологиялар енгізілетін болады.
- Бұл ресурстарды басқаруды оңтайландыру үшін қажет.
Ұлттық жобада шамамен 13 трлн теңге инвестиция тарту көзделген.
- Оның ішінде энергия секторы 6,2 трлн теңгені, ал коммуналдық — 6,8 трлн теңгені талап етеді.
- Іске асыру аясында министрлік шамамен 8 мың км сумен жабдықтау және кәріз желілерін жаңғыртумен айналысады. Алдын ала бағалау бойынша, бұл үшін 1 трлн астам теңге қажет болады: жабдықтау бойынша 5 мың км (700 млрд теңге) және бұру бойынша 2,8 мың км (400 млрд теңге).
- Сондай-ақ кәріз-тазарту құрылыстары саласындағы 45 жобаға 800 млрд теңге қажет.
Қабылданған шаралар халықтың өмір сүру сапасына және экономиканың даму деңгейіне теріс әсерін жояды деп күтілуде.
Бұдан басқа, ведомство сумен жабдықтау және бұру секторына, оның ішінде жаңғырту, тазарту және басқа да жаңа технологиялар саласында халықаралық басқарушы компанияларды тарту бойынша жұмыс жүргізуде.
Бүгінде осындай бір ірі компаниямен бірлесіп Қарағандыда оқыту және біліктілікті арттыру орталығын ашу жоспарланып отыр.
Ақтөбе облысында ұзақ мерзімді серіктестікке басқа ұйым тартылады.
Осы бағыттағы жұмысты жақсарту үшін министрлік болашақ әріптестер үшін барлық шарттармен, мерзімдермен және KPI-мен сенімгерлік басқару шарттарын әзірлеп, енгізеді.
Сарапшылардың айтуынша, ұлттық жобада мұндай үйлердің шарапатын қай аймақтардың көтере алатыны айтылмағанын айтады. Мысалы, Олжас Самадәлінің айтуынша, орталықтан шалғай жатқан аймақтар үшін ақылды үйден бұрын көгілдір газбен, ауыз сумен қамтамасыз ету маңызды. «Мұндай жобаны ойластырмастан бұрын ең алдымен ауылдағы қазақ ауылдарының тұрмысы қандай екеніне назар аударып алған маңызды» дейді сарапшы.
