Ұлттық банк жасанды интеллект негізінде алаяқтарды олар клиенттерді алдауға үлгермей тұрып анықтауға мүмкіндік беретін жаңа құралдар әзірлеуде. Бұл туралы қаржыгерлер конгресінде Ұлттық банк төрағасының кеңесшісі және сандық трансформация жетекшісі Бинур Жаленов айтты.
«Жасанды интеллекттің нақты ұсыныстары тұрғысынан бірнеше сервистермен жұмыс жүргізілуде. Бірінші бағыт — алаяқтықпен күрес» деді ол.
Жаленовтың айтуынша, жүйе әлі де дамуды қажет етеді. «Бұл жерде біздің алаяқтықпен күресті дамыту тұрғысынан ұмтылуымыз керек екенін шынайы мойындау керек», — деп толықтырды Ұлттық банк басшысының кеңесшісі.
Жаленовтың айтуынша, ЖИ барлық бағытта жұмысты жеделдетеді және алдын ала болжауды қамтамасыз етеді. Демек одан әлі біздің үйренеріміз көп.
Жаленов әрбір телеком-оператордың әлеуетті алаяқтық телефон нөмірлерін анықтау үшін өзінің антифрод-жүйесі бар екенін атап өтті. «Олар анықтаған сайын бізді хабардар етеді, ал біз өз кезегінде банктерді хабардар етеміз. Бұғаттау жүріп жатыр», — деді ол.
