Демалыстан кейін доллар қайта қымбаттады. Бүгін Ұлттық банктің ресми бағамы – 451,05 теңге, ал KASE биржасында 453,58 теңге.
Үш ай бойы 500-ден төмен нығайған теңге неге шегінді?
Ауыл үшін бұл – солярка мен тыңайтқыштың қымбаттауы, ал бюджет үшін – 12 триллиондық субсидияға қосымша теңге түсті деген сөз бе? Ұлттық банк төрағасы Тимур Сүлейменов бұл – дағдарыс емес, саясаттан ауытқымағанымыздың белгісі дейді.
НЕ БОЛДЫ?
Бүгін, 27 қазанда, Алматыда доллар 451,94 – 454,10 теңге аралығында сатылып жатыр. Жұма күні KASE-де доллар 452,11 теңге болған. Өсім дүйсенбіде жалғасты. Ал Brent мұнайы керісінше арзандады: өткен аптада117 доллардан жоғары болған Brent бүгін 114,81 долларға түсті.
ЕСЕП: БЮДЖЕТКЕ ҚАНША ТҮСЕДІ?
Қазақстан тәулігіне орта есеппен 1,17 млн баррель мұнай экспорттайды.Доллар факторы (пайда): Доллар 2,5 теңгеге қымбаттаса, бюджетке тәулігіне 340 млн теңге, аптасына 2,3 млрд теңге артық түседі.Мұнай факторы (шығын): Мұнай 2,19 долларға арзандаса, бюджет тәулігіне 1,15 млрд теңге, аптасына 8,1 млрд теңге жоғалтады.
Таза есеп:
Егер осы жағдай 1 апта тұрса, бюджет 5,8 млрд теңгеге кем кіріс алады.Яғни доллар қымбаттағаны бюджетті құтқармайды.Бүгінгі құбырдан кеткен мұнай бүгінгі бағамен сатыла ма?
Жоқ. КҚК құбырымен кеткен мұнайдың бағасы Brent-ке байланған, бірақ ақшасы 30-45 күннен кейін, сол айдың орташа бағасымен есептеліп түседі. Сондықтан бүгінгі 114,81 доллар – қарашаның соңындағы түсім.
СҮЛЕЙМЕНОВ НЕ ДЕЙДІ?
«Меніңше, бұл жағдайға аса таңғалудың қажеті жоқ. Бізде 500 теңге бағамы мұнай 65-70 доллар болғанда тіркелген еді. Валюталық түсім артса, теңге нығаятыны анық», — деді ол.
Ол бағамға мұнай ғана емес, маусымдық сұраныс та әсер ететінін атады: жазда инвестициялық жобалар, квазимемлекеттік сектор бағдарламалары үшін долларға сұраныс өседі.Бұл – Ұлттық банктің еркін бағам саясатынан ауытқу емес, керісінше, оның жұмыс істеп тұрғанының дәлелі
