Мәжіліс депутаты Тимур Қырықбаев «Банктер туралы» заң жобасын қараған жұмыс тобының отырысында маңызды түзету қабылданғанын хабарлады. Оның айтуынша, түзету банктерге қаржылық жағдайы дәлелденбеген немесе несие алушыға қатысы жоқ жеке тұлғалардың жеке кепілгерлігін талап етуге тыйым салуды көздейді.
« Несие ала алмай отырған азаматтың туыстары мен таныстары олардың орнына төлем жасау мүмкіндігі болмағанына қарамастан, артық міндеттемелерге қол қоюға мәжбүр болуы жиілеп кетті. Мұндай жағдайлар кейін кепілгерлерге үлкен ауыртпалық түсіріп, олардың өмірін күрделендіреді. Әсіресе телефон арқылы қашықтан рәсімделетін кепілгерлік кезінде адам өзіне алған міндеттеменің көлемін толық түсінбей қалады.
Мәжіліс депутаты осыған байланысты мен «Банктер туралы» Заңның 54-бабына өзгерістер ұсынды. Енді банк кепілгерлік немесе кепіл рәсімдеу кезінде кепілгердің қаржылық жағдайын ескере отырып, оның төлем қабілеттілігіне міндетті түрде бағалау жүргізуге, сондай-ақ негізгі қарыз бен ұсынылған қамтамасыз ету құнының айырмасы бойынша міндеттемені қабылдауға кепілгердің жазбаша келісімін алуға тиіс.
«Мен ұсынған түзетуге депутаттар Б.Базарбек пен А.Баққожаев та қол қойды. Жұмыс барысы туралы алдағы уақытта да ақпарат беріп отырамын», — дейді депутат.
