Бұл жоба туралы 2023 жылдан бастап айтыла бастаған болатын.
Көлік министрлігі таратқан деректерде қазіргі «Алматы — Отар — Қордай — Бішкек — Чолпон-Ата» (Қазақстан — Қырғызстан) бағытының ұзындығы 460 км болатыны айтылған. Осының аясында АДБ ұсынысы бойынша «Алматы — Ұзынағаш — Кечи-Кемин» автожолы қаралды. Оның ұзындығы алдын ала 277 шақырымды құрауы тиіс еді, оның 127 шақырымы ҚР-да, 150 шақырымы қырғыздарда. Жоба аясында Қазақстан жағында 80 км, Қырғызстан жағында 6 км жолды жөндеу қажет. Екі елдің үкіметаралық кеңесінің алдыңғы отырысында техникалық-экономикалық негіздемені (ТЭН) әзірлеуді жеделдету және құрылысты бастау ұсынылды. АДБ экономикалық орындылықты зерттеу үшін гранттық қаржыландыру бөлді. Тараптардың әрқайсысының заң талаптарын ескере отырып, санат, ұзақтық, трассировка, перспективалық қозғалыс қарқындылығы, тариф және т.б. сияқты негізгі параметрлері бар ТЭН әзірлеу басталды. «Ұсынылып отырған жоба қыс мезгілінде мүмкін болатын пайдалану қиындықтарымен таулы жерлерден өтеді (биіктігі — 1,5 мың м), бұл өзін-өзі ақтаудың төмен деңгейіне әкеледі. Осыған байланысты бюджеттік мүмкіндіктер мен ресурстардың басым инфрақұрылымдық жобаларға шоғырлануын ескере отырып, жобаны одан әрі пысықтау тоқтатылды», — деп түсіндірді министрлікте.
