Freedom Holding Corp. Гонконгта қайталама листинг (SPO) өткізуге ниетті. Тимур Тұрловтың компаниясы үшін бұл қадам Еуропадағы бизнесті одан әрі кеңейту үшін позицияны күшейтудің тәсілі ретінде қарастырылады. Бұл туралы Freedom Broker инвестициялық банкинг департаментінің директоры Ренат Сыздықов Шанхайдағы AIFC Connect аясында Қазақстан мен Қытай капитал нарығын интеграциялау бойынша панельдік сессияда мәлімдеді.
«Нарықтық капиталдануы $9 млрд-тан асатын Freedom Holding жақын арада Түркиядан банк сатып алуды аяқтауды жоспарлап отыр. Холдинг сондай-ақ банкті Франциядан сатып алуды жоспарлап отыр. Капитал осындай экспансия үшін, сондай-ақ телекоммуникациялық бизнес пен AI инфрақұрылымын дамыту үшін қажет. Гонконг биржасындағы листинг холдингке инвесторлық базаны әртараптандыруға мүмкіндік береді», — деп түсіндірді ол.
Қазақстандық бағалы қағаздар нарығының дамуы туралы айта келе, Сыздықов бірнеше факторды атап өтті. «Біріншісі — нарық қарқынды дамып келеді және акциялар нарығын капиталдандыру $100 млрд-тан асты, екіншісі — қайталама сауда-саттық негізін бөлшек инвесторлар құрайды, үшіншісі — Қазақстан мен Қытай арасындағы пайыздық мөлшерлемедегі айырмашылық қазақстандық компаниялар үшін қаржыландыру үшін мүмкіндіктер ашады», — деп түсінік берді ол.
Бұған дейін Freedom Holding Corp. Түркияда қазақстандық суперапп моделін қайталайтын экожүйе құруға ниетті екені белгілі болған болатын. Бұл туралы компанияның негізін қалаушы және мажоритарлық акционері Тимур Турлов National Business Kazakhstan тілшісіне айтып берді.
