1. Ақша қымбат күйінде қалды – 15,75%
Ұлттық Банк 23 қазанда базалық мөлшерлемені 0,5%-ға түсіріп, 15,75% етті. Инфляция бір жылдан бері түсіп келеді, қазір 9,3%.
Бірақ Банк: «Жыл соңына дейін мөлшерлемені өсірмейміз де, түсірмейміз де» деді. Себебі қыста баға қайта өсуі мүмкін.
Халыққа әсері:
Несие әлі арзандамайды. Үй алу, бизнес бастау қымбат.
2. Бюджетті қатты қысты – 6,7 трлн теңге қысқарды
Премьер Олжас Бектенов айтты: Министрліктер 36,9 трлн сұраған, Үкімет 30,2 трлн ғана берді. 6,7 трлн теңге қысқартылды. Әкімшілік ғимарат, кеңсе салуға тыйым әлі бар.
Өңірлерге ескерту жасалды: Атырау, Ақтөбе, Қарағанды, Ақмола, Жетісу облыстары өз табысын көбейтуі керек, орталыққа қарай бермеуі керек.Халыққа әсері: Жаңа жол, су, мектеп сияқты жобалар баяулауы мүмкін.
3. Шетелден 4,8 млрд доллар инвестиция әкелді
22 қазанда Шымкентте үлкен жиын өтті. 40 елден 500 инвестор келіп, 4,8 млрд долларға келісімге қол қойды. Ақша зауытқа, ауыл шаруашылығына, қуат көздеріне салынбақ.Халыққа әсері: Бұл бірден жұмыс орны деген сөз емес. Келісім қағазда, зауыт 2-3 жылда салынады. Қазір экономика мұнайсыз өсіп тұр: құрылыс 11,5%, өңдеу өнеркәсібі 8,6% өскен, ал мұнай өндіру 8,3% құлаған.
4. Кәсіпкердің мүлкі енді күнде тексеріледі
25 қазаннан бастап Салық комитеті заңды тұлғалардың барлық ғимараты, жері туралы мәліметті күн сайын алып отырады: қай жерде, кімнің атында, қаншаға сатып алған.Халыққа әсері: Бұл жаңа салық емес. Бірақ үй бағасын қағазда арзан көрсетіп, салықтан жалтару қиындайды.
5. Бағаны жәрмеңкемен ұстамақ
Үкімет бағаны ұстау үшін екі жол тапты:Ауылдан тікелей жәрмеңке көп өткізу – делдалсыз сату.17-27 қазан аралығында еліміз бойынша 649 дүкенде Bereke Fest – азық-түлікке 50% дейін жеңілдік.Халыққа әсері: Жеңілдік – 10 күндік ғана. Бағаның түпкі себебін шешпейді.
ТҮЙІН:
Үкімет бір жағынан белді қатты буып отыр (ақша қымбат, шығын аз), екінші жағынан халықтың қалтасын жәрмеңкемен қорғамақ. Экономика мұнайға емес, құрылыс пен зауытқа сүйеніп өсе бастады.
