Премьер-министрдің орынбасары — ұлттық экономика министрі Серік Жұманғарин үкімет отырысында Қазақстанда бюджет тапшылығын 2028 жылға қарай ЖІӨ-ге қатысты 0,9% -ға дейін, ал мұнай емес тапшылықты ЖІӨ-ге қатысты 2,7% -ға дейін қысқарту жоспарланып отырғанын айтты. «Мемлекеттік қарыз ЖІӨ-ге қатысты тұрақты деңгейде — 26%-дан аспайтын деңгейде ұсталатын болады», деп атап өтті ол.
ҰЭМ-нің айтуынша, аалюталық активтер мен міндеттемелердің арақатынасын ескере отырып, үкімет сыртқы нетто-кредитор болып қала береді. Инфляцияны тежеу үшін үкімет тарапынан мынадай негізгі бағыттар бойынша шаралар күшейтілетін болады:
- нарықты өніммен молықтыру; сақтау және тұтынушыға дейін жеткізу инфрақұрылымын дамыту;
- баға белгілеуді реттеу және монополияға қарсы реттеу. . 2027-2028 жылдары ең төменгі жалақыны арттыру мәселесі қаралатын болады. 2026-2028 жылдары халықтың нақты табысының өсімі жылына орта есеппен 2-3% -дан төмен болмайды.
Оның айтуынша, үкімет квазимемлекеттік секторды оңтайландыру бойынша жұмысты жалғастырады.
- 2026 жылдың соңына дейін квазимемлекеттік сектор субъектілерін құруға мораторий қолданылады.
- Ағымдағы жылы Жекешелендірудің 2021-2025 жылдарға арналған кешенді жоспарын іске асыру аяқталады.
- Одан әрі оңтайландыруға ұсынылатын мемлекеттік объектілердің жаңа тізбесі қалыптастырылды. Оған теңгерімдік құны 2 трлн теңгеден асатын 500-ге жуық компания енді. Оңтайландыру үш кезеңде жүзеге асырылады.
Бұдан басқа, IPO/SPO-ға «Қазақтелеком» АҚ және «Qazaq Green Power PLC» акцияларын шығару жоспарланып отыр.
«Макроэкономикалық теңгерімділікті арттыру үшін үкімет пен Ұлттық банк ақша-кредит және салық-бюджет саясаты арасындағы өзара үйлестіруді жүзеге асыратын болады. Бағдарламаны iске асырудың басты нәтижесi халықтың нақты табысының өсуi болуы тиiс. Жалпы, бағдарламаны жүзеге асыру экономиканың тұрақтылығын арттырып, қаржылық тұрақтылықты нығайтып, орта мерзімді перспективада тұрақты әрі сапалы өсім үшін жағдай жасауға мүмкіндік береді», — деп түйіндеді ол.
- Үкімет отырысы барысында Серік Жұманғарин макроэкономикалық тұрақтандыру және халықтың әл-ауқатын арттыру бағдарламасын таныстырды.
- Еңбек және халықты әлеуметтік қорғау министрлігінде ең төменгі жалақыны есептеуде ғылыми негізделген тәсілді қалыптастыру бойынша жұмыс жүргізілуде.
- Вице-премьер — ұлттық экономика министрі Серік Жұманғарин 2026 жылдың 1 қаңтарынан бастап Қазақстанда ең төменгі жалақы өсімі болмайтынын айтты.
- Әзірге бізде ең төменгі жалақыны көтеру жоспары жоқ. Бүгінгі таңда 85 мың теңге, біз әзірге АЕМ-ді арттыруды қарастырылмаған.
- Ұлттық банк басшысы 85 мың теңге деңгейіндегі жалақы Қазақстанда азаматтары жоқ деп есептейді
