Кешелі бері жекелеген импорттық азық-түлік тауарларын әкелуге шектеу қою мүмкіндігі қарастырылу мүмкін екені айтылып жатыр. Ауыл шаруашылығы министрлігінің мәлімдеуінше, өте арзан шетелдік өнімдер отандық өндірушілерді нарықтан ығыстырып, жергілікті кәсіпорындардың жабылуына әкелуі мүмкін.
Ауыл шаруашылығы вице-министрі Аманғали Бердалиннің айтуынша, мұндай жеткізілімдер демпингтік сипатқа ие және ішкі нарықтағы бәсекеге қабілеттілікке кері әсер етеді.
Министрлік әрбір тауар позициясы бойынша жеке талдау жүргізілетінін атап өтті.
- Егер импорттық өнімдер елімізде жасанды түрде арзандатылған бағамен сатылып жатқаны дәлелденсе, билік оның әкелінуін шектеу бойынша тиісті шешім қабылдауы мүмкін.
- Арзан импорттың ұзақ уақытқа созылған қысымы отандық өндірістің әлсіреуіне және кәсіпорындардың жабылуына әкелуі ықтимал.
Сондай-ақ Бердалин көрші елдердің кейбірінде ауыл шаруашылығы саласы фермерлік өндірістен бастап тасымалдауға дейін субсидияланатынын айтты. Соның салдарынан шетелдік тауарлар Қазақстан нарығына жергілікті өнімнен төмен бағамен түседі
