Ұлттық банк төрағасы бұл жолы да 25% несиелер қазақстандықтарды елеулі қарыз жүктемесіне әкелуі мүмкін екенін ескертті.
Сүлейменов атап өткендей, елімізде ипотекаға деген сұраныс жоғары күйінде қалып отыр — беру екі мәнді қарқынмен өсуде және әзірге айтарлықтай төмендеу жоқ. «Жоқ, біз онша төмендегенін көріп отырған жоқпыз (ипотекалық қарыздарды беру деңгейі). Ипотека екі мәнді қарқынмен де өсуде. Бірақ біз бәрібір келесі жылдың шілдесіне қарай қандай да бір шаралар қабылдайтын боламыз. Себебі, қайталап айтамын, 25% және 10 жылға ипотека — бұл өте қауіпті, бұл үш есе артық төлем және сәйкесінше, біз азаматтарымыздың жай ғана қаржылық күйзеліске ұшырауына жол бермеуіміз керек» деді ол.
Ұлттық банк басшысы қазір нарықты реттеудің жаңа тетігі әзірленіп жатқанын, оның бастапқыда күтілгеннен де икемді болады. Оның айтуынша, өзгерістер ипотека бойынша тиімді мөлшерлемені есептеуге қатысты болады. «Біз әлдеқайда нәзік тетік ойлап табуды шештік, қазір ол бойынша жұмыс істеп жатырмыз. Ол біз ойлағаннан да күрделі болып шықты, бірақ жаңа ГСВ (жылдық сыйақы мөлшерлемесі) — 2027 жылғы 1 шілдеден бастап ипотека бойынша тиімді мөлшерлеме болады», — деп атап өтті Сүлейменов.
