Бұл апта Қазақстанның руханият саласында ерекше апта болды: ЮНЕСКО-ның екі мұрамызды таныды, Түркістан Ислам әлемінің мәдениет астанасы болуға дайындала бастады. 1. 4 миллион адам кітап оқу марафонына қатысып, Жезқазғанда 3 мың адамдық мешіттің ашылуы осы айптаның еншісіне бұйырыпты. Алматыда Айтматов орталығының ашылуы өткен аптаның салмағын арттырды.

Бұлар – бөлек жаңалық емес, бір үдерістің көрінісі
Қазақстан руханиятты енді ішкі мәселе емес, әлемдік күн тәртіп ретінде қарап отыр .ЮНЕСКО: Есік жазуы мен Мәшһүр Жүсіп 5 қарашада Джакартада ЮНЕСКО-ның «Әлем жады» бағдарламасының отырысында Қазақстан ұсынған екі номинация өңірлік тізілімге енді:
30 қараша – 5 желтоқсанда Сямыньда өтетін сессияда тағы үшеуі қаралады: «Кесте өнері», «Дәстүрлі киіз басу», «Салбурын». Бағалау органы оларға оң қорытынды беріп отыр.
6 қарашада Алматыда Вице-президент Ерлан Қарин ИСЕСКО бас директоры Салим бен Мухаммед Аль-Маликпен кездесті. Басты тақырып – Түркістанның 2027 жылы Ислам әлемінің мәдениет астанасы болуына дайындық. Қазақстан ИСЕСКО тізіміне тағы 10 жаңа номинация ұсынып отыр.Сол күні Алматыда Әл-Фараби мұрасына арналған халықаралық симпозиум басталды. Онда Әл-Фараби мен Қожа Ахмет Яссауи мұрасының қазіргі ғылым мен руханияттағы орны талқыланды.
Жаңа этика
13 қарашада Ұлттық академиялық кітапханада «Жаңа қоғамдық сана: этика, тәртіп және жауапкершілік» дөңгелек үстелі өтті. Президент кеңесшісі Бауыржан Омаров «Таза Қазақстан» тек тазалық емес, рухани жаңару екенін айтты. Оның формуласы – «Жауапты адам – Адал еңбек – Лайықты табыс».Осы аптада қазақ мәдениеті әлемде де көрінді. Түркияда COP31-де домбыра шырқалды, Әзербайжанда қазақ көрмесі ашылды, Парижде ЮНЕСКО галасында қазақ оркестрі өнер көрсетті, қазақ кинематографистері Diamond Butterfly-да екі жүлде алды.
Бұл нені білдіреді?
Бір аптадағы осының бәрі бір түйінге келіп тіреледі. Қазақстан руханиятты «өткенді сақтау» деп емес, «болашақты құру» деп түсініп отыр. ЮНЕСКО – өткенді тану, Түркістан – болашаққа дайындық, кітап – ұлттың ойлауын өзгерту, мешіт пен орталық – өңірлердегі рухани инфрақұрылым, жаңа этика – күнделікті өмірдің ережесі. Әлем Қазақстанды енді мұнайымен емес, мұрасымен, кітабымен, музыкасымен тани бастайды. Осы апта – соның дәлелі.