Қазақстандық дипломат Бағдат Әміреев Ислам ынтымақтастығы ұйымының қаржысын басқаратын болды.
Ол 18 қазанда Бағдатта Бас хатшының әкімшілік және қаржы жөніндегі орынбасары болып сайланды. Шешімді 57 елдің сыртқы істер министрлері бір дауыстан қолдады.
Неге бұл маңызды?
ИЫҰ – БҰ-дан кейінгі ең үлкен ұйым. 57 мемлекет, 1,5 млрд адам. Оның қарамағында Ислам даму банкі, ондаған қор мен бағдарлама бар. Енді соның бүкіл бюджеті, кадр мәселесі, ішкі шаруасы Әміреевтің қолында болады.
Қазақстан мұндай деңгейге бірінші рет көтеріліп отыр. Сауд Арабиясы, Түркия, Иран, Пәкістан отырған жерде қазақ дауысы естілетін болды. Сыртқы істер министрлігі мұны «Қазақстанға деген сенім» деп отыр.
Әміреевтің өзі – салмағы бар фигура
Ол бұған дейін:Араб елдерінде 15 жыл елші болған,2018-2022 жылдары Түркі мемлекеттері ұйымын басқарған, Соңғы үш жылда Иракта елші болған.Ол – Қазақстан үшін Түркі әлемі мен Араб әлемін жалғайтын көпір. Енді ол Бағдатта емес, ұйымның штаб-пәтері орналасқан Жиддада, Сауд Арабиясында жұмыс істейді. Иракқа жақында жаңа елші тағайындалады.
