Қазақстанның сақтандыру нарығы 2025-2026 жылдары реттеуді қатаңдатумен, цифрландырумен және ашықтықты арттырумен сипатталатын «ағарту» (көлеңкеден шығу) кезеңін бастан кешіп жатыр.
Негізгі жаңалықтардың бірі сақтандыру ұйымының құрылымында мамандандырылған бөлімше құру туралы талап болды. Ол:
• жүйелік тәуекелдерді және жосықсыз практикаларды анықтау;
• клиенттердің өтініштері мен шағымдарын қарау;
• сақтандыру өнімдерінің сапасын арттыру жөнінде ұсыныстар дайындау.
Мұндай тәсіл шағымдармен жұмыс формальды болуды тоқтатып, тәуекелдерді ішкі басқарудың бір бөлігіне айналуға бағытталған.
Сақтандыру ұйымдары алаяқтық тәуекелдерінің алдын алу және азайту үшін алаяқтық әрекеттерге қарсы іс-қимыл бойынша ішкі саясат пен рәсімдерді әзірлеуге және енгізуге міндетті.
Бұдан басқа, сақтандырушылар анықталған алаяқтық фактілері туралы уәкілетті органға хабарлауы тиіс. Бұл нарықтағы тәуекелдердің толық көрінісін қалыптастыруға және оларға ерте кезеңде ден қоюға мүмкіндік береді.
ҚНДРА көлеңкеде тығылып жүрген сақтандыру делдалдарының қызметін заңдастыруға шындап кірісетін тәрізді: ҚНДРА сақтандыру жағдайларын реттеу кезінде қызмет көрсететін «көмекшілердің» (автоюристтердің) жұмысына байланысты проблеманы екенін ашып айтты.
«Аталған проблема шеңберінде агенттік сақтандыру қоғамдастығымен бірлесіп залалдарды реттеу кезінде зардап шеккен өкілдердің, сондай-ақ сақтандыру делдалдарының қызметін заңнамалық реттеу мәселесін пысықтауда», — деп хабарлады ҚНДРА
Нақты тәсілдерді сақтандыру нарығын дамытудың 2030 жылға дейінгі бағдарламасын дайындау шеңберінде айқындау жоспарланып отыр. Сондай-ақ «Сақтандыру қызметі туралы» заңның жаңа редакциясын әзірлеу кезінде.
Сондай-ақ залалды бағалау процестерін автоматтандыру және оңтайландыру қарастырылуда.
«Тұтынушылардың құқықтарын қорғауға бағытталған сақтандыру нарығына қатысушылардың өзара іс-қимылының ашық және реттелетін моделін қалыптастыруға ерекше назар аударылатын болады. Бұл тәсіл сақтандыру брокерлерінің, агенттердің және осы нарықтың өзге де қатысушыларының қызметін қамтитын болады» дейді ҚНДРА таратқан ақпаратта.
Сақтандыру брокерін тарту міндетті шарт болып табылмайды және полистің құнына әсер етпейді.
Сондай-ақ сақтанушы (пайда алушы) мұндай қызметтерге мұқтаж-мұқтаж еместігін дербес шешуге құқылы және шарттың талаптарын таңдауға ерікті.
• Сақтандыру брокерінің делдалдық қызметі үшін комиссиялық сыйақы төлеу талаптары сақтанушы мен сақтандыру брокері арасында жасалған шартта айқындалуға тиіс;
• демек, сақтандыру брокерінің қызметтеріне ақы төлеуді жүзеге асыру үшін жеке шарт жасасу қажет», — дейді ҚНДРА
