Осыған дейін Алагөзовтер отбасы жұмыссышаларына 100 пәтер, олардың 50-ден асқан ата-аналарына ай сайын қосымша жәрдемақысы, қазақтың Қыз-Жібегі Меруерт Өтекешоваға сый-сыяпатымен қоғамдық пікірге әсер етті. Айдың арғы бетіне жасырынып қалған бизнестің бетін бері бұрды.
Ал бүгін кәсіпкер Айдын Рахымбаев пен оның жұбайы Анар The Giving Pledge — «Сыйға тарту антына» қол қойды деген ақпараттар тарап жатыр.
Бұл дегеніміз, олар өз қаражатының кемінде жартысын қайырымдылыққа жұмсайды. Бизнесмендер «жарты миллиард доллар да біз үшін шегі жоқ» деді.
«Біз біртіндеп қайырымдылыққа капиталымыздың жартысынан көбін, қалғандарын — жартысынан азын — балаларымызға қалдырғымыз келеді. Бірақ жарты миллиард доллар да біз үшін шегі жоқ, біз тоқтамаймыз: көп табыс табамыз — одан да көп игі істерге жұмсаймыз. Әрине, біздің болашақ ұрпаққа пайдасы болуы үшін алдағы ғасырларға тиімді жобаларға не салатынымыз туралы нақты түсінік бар. Бұған дейін біз әлеуметтік жобаларға шамамен 100 млн доллар бөлген болатынбыз. Мен балаларымыздың бұл бастаманы қолдап, біздің құндылықтарымызға ортақтасқанына қуаныштымын», — деп бөлісті BI Group бас директоры Айдын Рахымбаев.
Айдын мен Анар Рахымбаевтар мамыр айының соңында The Giving Pledge қоғамдастығының кезекті кездесуіне қатысуға шақырылды. Кездесуде ерлі-зайыптылардың «Антқа» қол қойғаны және осы бастаманы қолдаған Орталық Азияның алғашқы өкілдері болғаны хабарланады.
Сонымен қатар, Айдын Рахымбаев Қазақстан ішіндегі жобалар басымдыққа ие болып қалатынын атап өтті. Бұл ресурстар мектептер салуға, балалар үйлерін жабуға, Орталық Азиядағы балаларды қолдауға, ұлттық дәстүрлерді сақтауға және Қазақстан тарихын ілгерілетуге бағытталатын болады.
Рахымбаевтардың шешімі Қазақстанның басқа мультимиллионерлерін өздерінің қайырымдылық бастамаларын қайта қарауға итермелейді.
