Алдыңғы екі жылда банк 150 млрд теңге қайтарған еді. Баннктің директорлар кеңесі 29 маусымда шешім қабылдады.
Осыған дейін Қаржы нарығын реттеу және дамыту агенттігінің төрайымы Мәдина Әбілқасымова кезінде қаржылық тұрақтылықты қалпына келтіру әлеуеті бар банктерге ғана мемлекеттік қолдау көрсетілгенін атап өтті. Атап айтқанда, 2017 жылғы қаржылық тұрақтылық бағдарламасы аясында 1,8 трлн теңге сомасына алты банкке көмек көрсетілді. Олардың үшеуі 738 млрд теңгенің қаражатын мерзімінен бұрын қайтарып берді, қалғандары мерзімінен бұрын өтеуді жоспарлап отыр.
«Банкрот болып отырған банктерге мемлекеттік қолдау көрсетілмейді, оған тыйым салынады. Мұндай банктер таратылуға жатады. Бізде қазір 9 банк таратылуда. Олар бойынша лицензиялар 2007-2021 жылдар аралығында қайтарылып алынды», — деп еске салды Әбілқасымова.
Бұл үшінші төлем. 2024 жылы банк 100 млрд теңгені, 2025 жылы тағы 50 млрд теңгені қайтарды. Жаңа траншты ескере отырып, мерзімінен бұрын қайтарылған мемлекеттік көмектің жалпы сомасы 275,3 млрд теңгені құрайды.
«Мерзімінен бұрын қайтару туралы шешім банктің берік қаржылық жағдайының, капиталдандырудың жоғары деңгейі мен тұрақты нәтижелердің арқасында мүмкін болды», — деп атап өтті Alatau City Bank директорлар кеңесінің төрағасы Қуат Қожахметов.
Alatau City Bank активтер көлемі бойынша Қазақстанның үздік 6 банкінің қатарына кіреді және меншікті капитал көлемі бойынша үшінші орынды алады.
Бұған дейін біз Alatau City Bank Ұлттық банкпен жыл сайынғы мемлекеттік көмекті мерзімінен бұрын қайтару кестесін келіскенін жазғанбыз. Сол кезде Ұлттық банк бұл банк қалған мемлекеттік қолдау сомасының негізгі ұстаушысы болып қала беретінін атап өткен болатын. 2017 жылғы қаржылық тұрақтылық бағдарламасы аясында барлығы алты банк 1,8 трлн теңгеге көмек алды. Олардың үшеуі 738 млрд теңгені мерзімінен бұрын қайтарып берді.
