Алматыда 4 қазаннан бастап коммуналдық ақылы тұрақтарға сараланған тариф енгізіледі.
Бұл туралы қала әкімдігі хабарлады, шешімді мәслихат бекітті.Енді бірыңғай 100 теңге болмайды, баға сұранысқа қарай үшке бөлінеді:жүктемесі аз көшелерде – 100 теңге/сағ (бұрынғыша)жүктемесі орташа аймақтарда – 150 теңге/сағорны тапшы, орталықтағы ең сұранысты жерлерде – 200 теңге/сағ. Неге?
100 теңгелік тариф 2016 жылдан бері өзгермеген. Осы 10 жылда қалада көлік саны 1 млн-нан асты. Арзан әрі бірыңғай баға тұрақ орындарының айналымын тоқтатты. Орталықта көліктер күні бойы тұрып қалады, басқалар бос орын іздеп, кептеліс жасайды.Әкімдіктің түсіндіруінше, қымбаттату мақсаты – қазына толтыру емес, бос орынның қолжетімділігін арттыру, заңсыз тұраққа қоюды азайту.
Кімге тегін?
Ақылы аймақтағы үй тұрғындары үшін бір көлікке тегін рұқсат сақталады. Жеңілдігі бар санаттарға да жеңілдік жалғасады.Тарифті тақталардан, Almaty Parking сайтынан және қосымшадан көруге болады.
