Мәжіліс депутаты Қайрат Балабиевтің айтуынша, мемлекет қазақстандықтарға қолда бар жинақтарды толыққанды пайдалануға мүмкіндік бермейді.
«Мен зейнетақыны табыс көзі ретінде қарастыруды ұят деп есептеймін. Бүгінде банктерде 32 мың теңге мөлшеріндегі ақшасы банк картасына әрең түсіп, бірден несие шотына есептен шығарылатын қарт адамдар бар. Бұл ұятсыз көрінеді. Осыны ескере отырып, қарызы бар зейнеткерлердің БЖЗҚ-дағы шоттарын ашуды ұсынамын. Сондай-ақ олар үшін банкроттық рәсімін жеңілдету, банктердегі қарыздарды есептен шығару қажет», — дейді ол.
Ал сарапшылар бұл идеяны жүзеге асырудың ықтимал ұсыныстарын төмендегідей жеткізді.
Қазақстан қаржыгерлері қауымдастығының сарапшысы, қаржы талдаушысы Ирина Кушнарева бұл идеяны кезінде сынақтан өткермекке талпыныстар болғанын, оның кері салдары туралы айтып берді.
Зейнет жасындағы БЖЗҚ-дағы жинақтар есебінен өз қарыздарын өтеуге мүмкіндік беруден тұрса, онда олардың жинақтары несиені жабуға жұмсалып кетуі мүмкін Қоғамда тұлғаның ЕДБ-ден алған несиесі, қарызды қайтару жауапкершілігі туралы сауатты көзқарас қалыптасқан жоқ.
Мұндай шараларды қарау сараланған және теңгерімді болуы тиіс деп санайды, себебі несиелер салымдарға орналастырылған қаражаттан, оның ішінде басқа зейнеткерлердің депозиттерінен де беріледі.
ҚҚҚ өкілі елімізде жеке тұлғалардың банкроттығы жұмыс істейтінін еске салды.
«Талаптар барынша жеңілдетілді. Егер қандай да бір техникалық қиындықтар туындаса, оларды Мемлекеттік кірістер комитеті шешуі мүмкін», — дейді И. Кушнарева.
