Алматыда LRT-ның рельсі енді ғана төселе бастады. Б. Момышұлы көшесінде 4,4 км учаскеде темірбетон шпалдар салынуда. Ал Төле биде әлі жер қазылып жатыр.Себебі — құбыр.
Ресми не дейді?
Алматы әкімдігінің мәліметі бойынша, LRT жобасы аясында 375 инженерлік желіні көшіру қарастырылған. Бұл — жылу, су, кәріз, газ, электр.
Жол инфрақұрылымын дамыту басқармасының басшысы Олжас Шабданов 28 қыркүйекте мәслихатта: «Жоба аясында 282 өткелді қайта орналастыру көзделген, оның 90-ында жұмыс аяқталды. Алаңда 80 жұмысшы мен 50 техника бар. Төле бидегі жұмысты қараша соңына дейін бітіреміз, ал LRT-ның бірінші кезеңі — 2027 желтоқсан» — деп баяндады.
Әкімдіктің Ulysmedia-ға берген қысқа жауабы да осыны растайды: «Жұмыстар бекітілген кестеге сәйкес жүріп жатыр. Момышұлыда рельс төсеу басталды, Төле биде инженерлік желіні көшіру жалғасып жатыр».
Ал қаржы қайда? Экономика және қаржы басқармасының басшысы Бауыржан Құдайбергенов маусымда мәслихатта: «LRT құрылысына 61,4 млрд теңге қарастырылды» — деп жариялады.
Яғни, 375 желі (оңтайландырудан кейін 282) — рас, 61,4 млрд — рас, бірақ бұл ақшаның көбі рельске емес, жер астын көшіруге кетіп жатыр.
Неге көшіру керек?
Урбанистер түсіндірмесі: егер құбырды көшірмесе, ертең жарылғанда рельсті қайта қазып, LRT-ны тоқтатуға тура келеді. Сондықтан әлемде алдымен желі, содан кейін жол салынады. Дәл осы логика Саин мен Абайды БАКАД-қа дейін созғанда да болады. 6,5 трлн-дық «Халықтық құрылыс»-тың ең қымбат бөлігі — халық көрмейтін бөлігі. Үкімет нені ескермей отыр? Қазір бір сметada «жол + құбыр» аралас тұр. Салдарынан жол қымбат көрінеді, тендер созылады.
Ұсыныс: «Жер асты» бағдарламасын бөлек шығару — 1,5 трлн-ның ішінен тозуды жабуға арналған бөлек бюджет. Әр учаскеде QR-кодпен ашықтық — қай көшеде қанша желі көшіп жатыр, халық көрсін. Төле бидегі 375 желіні көшірмей, Абайды Қаскелеңге созу да мүмкін емес. Алдымен құбыр, содан кейін жол
