2026 жылғы 1 қаңтардан бастап Қазақстанда несиелендірудің жаңа ережелері жұмыс істей бастауы мүмкін, оған сәйкес заңды тұлғалар ірі қарызға өтініш берген кезде салық декларациясын ұсынуға міндетті болады.
Олай болмаған жағдайда банк кредит беруден бас тарта алады немесе қосымша құжаттар сұрата алады. Бұл туралы ҚНДРА әзірлеген тәуекелдерді басқару ережелеріне түзетулер жобасында айтылған.
ЕДБ компаниялардың есептілігін талдап қана қоймай, деректерді салық декларациясымен салыстырып тексеретін болады.
Бұл ретте мәліметтер бірдей болуы тиіс — кез келген сәйкессіздік кредит беру туралы шешімге әсер етуі мүмкін.
Егер заң бойынша декларация тапсыру талап етілмесе, компания өз активтері мен табыс көздерін басқа тәсілдермен, мысалы, банк шоттары бойынша үзінді көшірмелермен немесе мүлік құжаттарымен растауға тура келеді.
Тағы қандай өзгерістер жоспарлануда
Қаулы жобасы кредиттеу кезінде тәуекелдерді бағалауды қатаңдатуды, банктерде клиенттердің құқықтарын қорғау бөлімшелерін құруды және «тәуекел деңгейі жоғары қарыз алушыларды» міндетті жіктеуді көздейді.
