Ұлттық банк тапсырысымен FusionLab компаниясы жүргізген зерттеулерде тамызда банк салымшыларының үлесі бір ай ішінде 65,8%-дан 63,5%-ға төмендегенені айтылады Ал ақшасын қолма-қол ұстайтындар үлесі керісінше, 30,8%-дан 37,2%-ға дейін көбейіп қалыпты
Сонымен қатар, сарапшылардың сөзінше, қолма-қол ақшасыз төлемдер рекордтық деңгейге жетті. Банк карталары арқылы жасалған қолма-қол ақшасыз төлемдер көлемі 165 трлн теңгеге жетті, бұл 2024 жылмен салыстырғанда 16%-ға көп. Бұл көрсеткіш елдің ЖІӨ-нің 123%-ы. Сондай-ақ, POS-терминалдар саны едәуір көбейген: қазір 1000 адамға шаққанда 68 құрылғыдан келеді. 2023 жылы мың адамға 53 құрылғыдан болған.
Сарапшылардың сөзінше, бұл көрсеткіш шығындардың көбеюі және қолма-қол ақшасыз төлемдермен көп төлеумен байланысты.
Сарапшылардың айтуынша, қазір айналымда 8 трлн артық қаржы бар. Жастық астына қайта жол тартқан теңгенің сол қаржының қанша пайызын құрайтыны әзірге жұмбақ,
Ұлттық банктің мәліметінше, қолма-қол ақшасыз төлем инфрақұрылымының белсенді дамуына қарамастан, айналыстағы қолма-қол ақшаның динамикасы тұрақты өсімді көрсетіп отыр.
Сарапшылардың сөзінше қолма-қол ақшасыз төлемдердің республикалық және облыстық маңызы бар қалаларда қолданылады. Кейбір деректерге қарағанда түрлі сатушылар мен такси жүргізушілері тауарлары мен қызметтер үшін қолма-қол ақша талап ете бастаған.
Ескерте кетейік, қолма-қол ақшасыз төлемдерді қабылдаудан бас тартқан жағдайда, оларға ірі көлемде айыппұл салынады.
